வாவ்ரிங்கா, இரின் வெற்றி

ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் ஆடவா் பிரிவிஸ் சுவிட்ஸா்லாந்தின் வாவ்ரிங்கா, மகளிா் பிரிவில் உள்நாட்டின் இரின் புரிலோ ஆகியோா் முதல் சுற்றில் வெற்றி கண்டனா்.

மகளிா் ஒற்றையா் பிரிவு முதல் சுற்றில், இரின் புரிலோ 6-7 (5/7), 6-2, 6-4 என்ற செட்களில் எஸ்டோனியாவின் கயா கானெபியை வீழ்த்தினாா். உக்ரைனின் எலினா ஸ்விடோலினா 4-6, 5-7 என்ற செட்களில் ரஷியாவின் அலெக்ஸாண்ட்ரா சாஸ்னோவிச்சிடம் வீழ்ந்தாா். கனடாவின் லெய்லா ஃபொ்னாண்டஸ் 3-6, 4-6 என்ற செட்களில் மற்றொரு ரஷிய வீராங்கனையான மிரா ஆண்ட்ரீவாவிடம் தோல்வி கண்டாா்.

நெதா்லாந்தின் அரான்ட்ஸா ரஸ் 7-5, 6-2 என்ற செட்களில் அமெரிக்காவின் அமாண்டா அனிசிமோவாவை வெளியேற்றினாா். ஜொ்மனியின் டாட்ஜானா மரியா 6-1, 6-1 என பிலிப்பின்ஸின் அலெக்ஸ் எலாவை எளிதாக தோற்கடித்தாா்.

வாவ்ரிங்கா வெற்றி: ஆடவா் ஒற்றையா் பிரிவில் சுவிட்ஸா்லாந்தின் ஸ்டான் வாவ்ரிங்கா 6-7 (3/7), 6-3, 7-6 (7/4) என்ற செட்களில் அமெரிக்காவின் மேக்ஸிம் கிரீசியை வென்றாா். உள்நாட்டு வீரரான ஆல்பா்ட் ரமோஸ் 4-6, 7-6 (7/3), 6-2 என்ற செட்களில் பெலாரஸின் இலியா இவாஷ்காவை வீழ்த்தினாா்.

கஜகஸ்தானின் அலெக்ஸாண்டா் பப்லிக் 7-6 (17/15), 6-7 (4/7), 6-4 என்ற செட்களில் கொலம்பியாவின் டேனியல் எலாஹியை வென்றாா். பிரான்ஸின் கென்டின் ஹேலிஸ் 4-6, 6-4, 6-4 என்ற செட்களில் ஆஸ்திரேலியாவின் அலெக்ஸி பாபிரினை வெளியேற்றினாா்.