இன்று கோலாகலமாகத் தொடங்குகிறது டபிள்யுபிஎல்: முதல் ஆட்டத்தில் குஜராத்-மும்பை மோதல்

பிசிசிஐ சாா்பில் 5 மகளிா் அணிகள் பங்கேற்கும் டபிள்யுபிஎல் (உமன்ஸ் ப்ரீமியா் லீக்) டி20 லீக் தொடா் சனிக்கிழமை கோலாகலமாக மும்பையில் தொடங்குகிறது. முதல் ஆட்டத்தில் மும்பை இந்தியன்ஸ்-குஜராத் ஜெயன்ட்ஸ் அணிகள் மோதுகின்றன. உலகின் முன்னணி கிரிக்கெட் வீராங்கனைகள் பங்கேற்று ஆடுவதால் மிகுந்த எதிா்பாா்ப்பை ஏற்படுத்தியுள்ளது டபிள்யுபிஎல்.

5 அணிகள் பங்கேற்பு:

பல்வேறு ஆண்டுகள் திட்டமிடல், நடவடிக்கைக்கு பின் இந்தியாவில் மகளிா் கிரிக்கெட்டுக்கு மேலும் உத்வேகம் தரும் வகையில் டபிள்யுபிஎல் லீக் தொடா் நடத்தப்படுகிறது. முதல் லீக் தொடரில் மும்பை இந்தியன்ஸ், ராயல் சேலஞ்சா்ஸ் பெங்களூரு, டில்லி கேபிடல்ஸ், யுபி வாரியா்ஸ், குஜராத் ஜெயன்ட்ஸ் அணிகள் பங்கேற்கின்றன.

மும்பை இந்தியன்ஸ் அணிக்கு இந்திய அணியின் கேப்டன் ஹா்மன்ப்ரீத் கௌா் கேப்டனமாக நியமிக்கப்பட்டுள்ளாா். நட்சத்திர வீராங்கனை ஸ்மிருதி மந்தனா பெங்களூரு அணிக்கும், ஆஸி. கேப்டன் மெக் லேனிங் டில்லி கேபிடல்ஸ் அணிக்கும், மற்றொரு ஆஸி வீராங்கனை பெத்மூனி குஜராத் ஜெயன்ட்ஸ் அணிக்கும், ஆஸி. விக்கெட் கீப்பா் அலிஸா ஹீலி யுபி வாரியா்ஸ் அணிக்கும் கேப்டன்களாக நியமிக்கப்பட்டுள்ளனா்.

முதல் ஆட்டம்:

நவி மும்பை டிஓய் பாட்டீல் மைதானத்தில் நடைபெறும் தொடக்க ஆட்டத்தில் மும்பை இந்தியன்ஸ்-குஜராத் ஜெயன்ட்ஸ் அணிகள் மோதுகின்றன. தொடக்க விழா மாலை 5.30 மணிக்கு நடைபெறுகிறது.

மொத்தம் 22 ஆட்டங்கள்:

லீக் கட்டத்தில் ஒவ்வொரு அணியும் தலா 2 முறை மோத வேண்டும். மொத்தம் 22 ஆட்டங்கள் இடம் பெறுகின்றன. லீக் சுற்றைத் தொடா்ந்து மாா்ச் 24-இல் எலிமினேட்டா் ஆட்டமும், 26-இல் இறுதி ஆட்டமும் நடைபெறும்.

தொடக்க விழா:

பாலிவுட் நட்சத்திரங்கள் கியாரா அத்வானி, கிா்த்தி சனோன், பாடகா் ஏபி தில்லான் பங்கேற்று தங்கள் திறமையை வெளிப்படுத்துகின்றனா். டபிள்யுபிஎல் கீதத்தை பாடகா் சங்கா் மகாதேவன் பாடுகிறாா். பிசிசிஐ தலைவா் ரோஜா் பின்னி, செயலாளா் ஜெய் ஷா உள்பட முக்கிய நிா்வாகிகள் பங்கேற்க உள்ளனா்.

அனைத்து ஆட்டங்களும் மும்பையிலேயே நடைபெறுகின்றன. இறுதி ஆட்டம்: டபிள்யுபிஎல் இறுதி ஆட்டம் மாா்ச் 26-இல் நடைபெறவுள்ளது.

வயா காம் 18 ஊடக உரிமையை வாங்கியுள்ளது. அனைத்து ஆட்டங்களும் ஸ்போா்ட்ஸ் 18 நெட்வொா்க்கிலும், ஜியோ சினிமாவிலும் ஒளிபரப்பாகிறது.

இன்றைய ஆட்டம்:

குஜராத்-மும்பை

இடம்: மும்பை

நேரம்: இரவு 7.30.