சர்வதேச டி20 போட்டிகளில் ஆஸ்திரேலிய அணியின் ஆல்ரவுண்டர் கிளன் மேக்ஸ்வெல் புதிதாக பல சாதனைகளைப் படைத்துள்ளார்.
இந்தியா மற்றும் ஆஸ்திரேலிய அணிகளுக்கு இடையிலான 3-வது டி20 போட்டி நேற்று முன் தினம் (நவம்பர் 28) குவாஹாட்டியில் நடைபெற்றது. இந்தப் போட்டியில் ஆஸ்திரேலிய வீரர் கிளன் மேக்ஸ்வெல்லின் அதிரடியான சதத்தினால் 5 விக்கெட்டுகள் வித்தியாசத்தில் ஆஸ்திரேலியா அபார வெற்றி பெற்றது. டி20 தொடரையும் இழக்காமல் தவிர்த்துள்ளது. அதிரடியாக விளையாடிய மேக்ஸ்வெல் 48 பந்துகளில் 104 ரன்கள் எடுத்தார். அதில் 8 பவுண்டரிகள் மற்றும் 8 சிக்ஸர்கள் அடங்கும். இந்தப் போட்டியில் அவருக்கு ஆட்டநாயகன் விருதும் வழங்கப்பட்டது.
இந்தியாவுக்கு எதிரான 3-வது டி20 போட்டிக்குப் பிறகு சர்வதேச டி20 போட்டிகளில் மேக்ஸ்வெல் பல்வேறு சாதனைகளைப் படைத்துள்ளார்.
அந்த சாதனைகள் பின்வருமாறு:
அதிக சதங்கள்
சர்வதேச டி20 போட்டிகளில் அதிக சதங்கள் அடித்துள்ள ரோஹித் சர்மாவின் சாதனையை மேக்ஸ்வெல் சமன் செய்துள்ளார்.
ரோஹித் சர்மா - 4 சதங்கள்
கிளன் மேக்ஸ்வெல் - 4 சதங்கள்
பாபர் அசாம் - 3 சதங்கள்
காலின் முன்ரோ - 3 சதங்கள்
சூர்யகுமார் யாதவ் - 3 சதங்கள்
சேஸிங்கில் அதிக சதங்கள்
கிளன் மேக்ஸ்வெல் - 3 சதங்கள்
பாபர் அசாம் - 2 சதங்கள்
முகமது வசீம் - 2 சதங்கள்
ஆஸ்திரேலியாவுக்காக அதிவேக சதம்
ஆரோன் ஃபின்ச் - 47 பந்துகளில் - இங்கிலாந்துக்கு எதிராக, 2013
ஜோஷ் இங்லிஷ் - 47 பந்துகளில் - இந்தியாவுக்கு எதிராக, 2023
கிளன் மேக்ஸ்வெல் - 47 பந்துகளில் - இந்தியாவுக்கு எதிராக, 2023
கிளன் மேக்ஸ்வெல் - 49 பந்துகளில் - இலங்கைக்கு எதிராக, 2016
கிளன் மேக்ஸ்வெல் - 50 பந்துகளில் - இந்தியாவுக்கு எதிராக, 2019
டி20 போட்டிகளில் இந்தியாவுக்கு எதிராக அதிக ரன்கள்
நிக்கோலஸ் பூரன் - 592 ரன்கள்
கிளன் மேக்ஸ்வெல் - 554 ரன்கள்
ஆரோன் ஃபின்ச் - 500 ரன்கள்
ஜோஸ் பட்லர் - 475 ரன்கள்
தாசுன் ஷானகா - 430 ரன்கள்
மேத்யூ வேட் - 429 ரன்கள்
ஒரு அணிக்கு எதிராக டி20 போட்டிகளில் அதிக சிக்ஸர்கள்
ரோஹித் சர்மா - 39 சிக்ஸர்கள் - மே.இ.தீவுகளுக்கு எதிராக
கிளன் மேக்ஸ்வெல் - 37 சிக்ஸர்கள் - இந்தியாவுக்கு எதிராக
ஆரோன் ஃபின்ச் - 35 சிக்ஸர்கள் - இங்கிலாந்துக்கு எதிராக
ஹஸ்ரதுல்லா சசாய் - 35 சிக்ஸர்கள் - ஆப்கானிஸ்தானுக்கு எதிராக
நிக்கோலஸ் பூரன் - 35 சிக்ஸர்கள் - இந்தியாவுக்கு எதிராக