இங்கிலாந்துக்கு எதிரான ஆட்டம்: இந்தியா பேட்டிங் 

இந்தியாவுக்கு அணிக்கு எதிரான ஆட்டத்தில் டாஸ் வென்ற இங்கிலாந்து அணி பந்துவீச்சைத் தேர்வு செய்துள்ளது. 

உலக்கோப்பை தொடரின்  29ஆவது லீக் ஆட்டத்தில் இந்தியா-இங்கிலாந்து அணிகள் இன்று மோதுகின்றன. லக்னௌவில் நடைபெறும்  இந்த ஆட்டத்தில் டாஸ் வென்ற இங்கிலாந்து பந்துவீச்சைத் தேர்வு செய்துள்ளது.

இன்றைய ஆட்டத்தில் இந்திய அணியை பொறுத்தவரை எந்த மாற்றமும் செய்யப்படவில்லை. இதுவரை நடைபெற்ற 5 ஆட்டங்களிலும் வென்று இரண்டாம் இடத்தில் உள்ளது இந்தியா. தொடா்ச்சியாக 4 தோல்விகளுடன் 9-ஆம் இடத்தில் உள்ளது இங்கிலாந்து. 

நடப்பு சாம்பியன் அந்தஸ்துடன் இந்த உலகக் கோப்பை போட்டியில் பங்கேற்றுள்ள இங்கிலாந்து அணி தொடா் தோல்விகளால் துவண்டுள்ளது. அதே நேரம், சொந்த மண்ணில் போட்டி நடைபெறுவதால் உற்சாகத்துடன் உள்ளது இந்திய அணி.