மகளிர் உலகக் கோப்பை கால்பந்து: ஸ்பெயின் சாம்பியன்!

மகளிர் உலகக் கோப்பை கால்பந்து போட்டியில் முதல் முறையாக சாம்பியன் பட்டம் வென்று ஸ்பெயின் சாதனை படைத்துள்ளது.

ஆஸ்திரேலியாவில் நடந்த இறுதிப் போட்டியில் 1-0 என்ற கோல் கணக்கில் இங்கிலாந்தை வீழ்த்தி ஸ்பெயின் சாம்பியன் பட்டம் வென்றுள்ளது. ஸ்பெயின் வீராங்கனை ஒல்கா கார்மோனா கோல் அடித்து ஸ்பெயின் அணிக்கு வெற்றியைத் தேடி தந்துள்ளார். 

இதையும் படிக்க: தேர்வுக் குழுவில் பங்கேற்கும் ரோஹித்? ஆசிய கோப்பைக்கான உத்தேச அணி!

உலகக் கோப்பை வரலாற்றில் ஸ்பெயின் மற்றும் இங்கிலாந்து இரு அணிகளும் முதல் முறையாக இறுதிப் போட்டிக்கு தகுதி பெற்றன. இந்த இரு அணிகளுக்கும் இடையிலான இறுதிப் போட்டி சிட்னியில் உள்ள ஒலிம்பிக் மைதானத்தில் இன்று பிற்பகல் நடைபெற்றது. இரு அணிகளுக்கும் இடையிலான இந்தப் போட்டியில் ஸ்பெயின் சாம்பியன் பட்டத்தை தட்டிச் சென்றது.

பிஃபா உலகக் கோப்பை கால்பந்து தொடரில் ஸ்வீடன் மூன்றாமிடம் பெற்று வெண்கலப் பதக்கத்தை வென்றுள்ளது.