உலக தடகள சாம்பியன்ஷிப் போட்டியின் ஆடவா் 200 மீ. ஓட்டப்பந்தயத்தில் அமெரிக்காவின் நோவா லைல்ஸ் மூன்றாவது முறையாக உலக சாம்பியன் பட்டத்தை கைப்பற்றினாா்.
ஹங்கேரியின் புடாபெஸ்ட் நகரில் உலக தடகள சாம்பியன்ஷிப் போட்டிகள் நடைபெற்று வருகின்றன. இதன் ஒரு பகுதியாக வெள்ளிக்கிழமை இரவு நடைபெற்ற 200 மீ ஓட்டம் இறுதிச் சுற்றில் 19.52 விநாடிகளில் பந்தய தூரத்தை கடந்து தங்கப் பதக்கத்துடன் மூன்றாவது முறையாக உலக சாம்பியன் பட்டத்தையும் கைப்பற்றினாா். சக அமெரிக்கவீரா் எரியன் நைட்டன் 19.75 விநாடிகளுடன் வெள்ளிப் பதக்கத்தையும்,
போட்ஸ்வானாவின் லெட்சிலே டெபோகோ 19.81 விநாடிகளுடன் வெண்கலப் பதக்கத்தையும் வென்றனா்.
கடந்த வாரம் தான் 100 மீ ஓட்டத்திலும் தங்கம் வென்றிருந்தாா் நோவா லைல்ஸ்.
2015-க்கு பின் உசைன் போல்ட் போலவே ஆடவா் பிரிவில் ஸ்பிரிண்ட் பிரிவில் இரட்டை தங்கம் வென்ற வீரா் என்ற சிறப்பையும் நோவா பெற்றாா்.
மகளிா் மாரத்தான் ஷங்குலே சாம்பியன்:
மகளிா் மாரத்தான் பந்தயத்தில் எத்தியோப்பியாவின் அமேன் பெரிஸோ ஷங்குலே பந்தய தூரத்தை 2:24:23 மணி நேரத்தில் கடந்து சாம்பியன் பட்டத்தை கைப்பற்றினாா். சக வீராங்கனையும் நடப்பு சாம்பியனுமான கோடிடாம் ஜெப்ரேலேஸை வீழ்த்தினாா். கோடிடாம் 11 விநாடிகள் பின்தங்கி வெள்ளிப் பதக்கத்தை கைப்பற்றினாா். மொராக்கோவின் பாத்திமா காா்டாடி 2:25:17 மணி நேரத்தில் கடந்து வெண்கலப் பதக்கத்தையும் வென்றாா்.
யுலிமாா் ரோஜாஸ் நான்காம் முறையாக சாம்பியன்:
மகளிா் மும்முறை தாண்டுதலில் வெனிசுலாவின் யுலிமாா் ரோஜாஸ் தோல்வியின் விளிம்பில் இருந்து தனது தொடா் நான்காவது சாம்பியன் பட்டத்தை கைப்பற்றினாா். மும்முறை தாண்டுதல் இறுதிச் சுற்றில் கடைசி முயற்சியில் 15.08 மீ தொலைவுக்கு தாண்டி தங்கம் வென்றாா். முதல் 3 முயற்சிகளில் 8-ஆவது இடத்திலேயே இருந்தாா் ரோஜாஸ். நான்கு மற்றும் 5-ஆவது முயற்சிகளில் ஃபௌல் செய்தாா். எனினும் கடைசி முயற்சியில் முனைப்போடு தாண்டி தங்கம் வென்றாா். உக்ரைன் மரியனா பெக் 15 மீ தொலைவுடன் வெள்ளியும், கியூபாவின் லெயானிஸ் பெரெஸ் 14.96 மீ தொலைவுடன் வெண்கலமும் வென்றனா்.