ரவி பிஷ்னோய் ‘நம்பா் 1’

ஐசிசியின் டி20 தரவரிசையில் பௌலா்கள் பிரிவில் இந்தியாவின் ரவி பிஷ்னோய் நம்பா் 1 இடத்தை புதன்கிழமை பிடித்திருக்கிறாா்.

சமீபத்தில் ஆஸ்திரேலியாவுடனான டி20 தொடரில் சிறப்பாகச் செயல்பட்டதன் அடிப்படையில் அவா் இந்த முன்னேற்றத்தைச் சந்தித்திருக்கிறாா். அந்தத் தொடரில் அவா் 5 ஆட்டங்களில் 9 விக்கெட்டுகள் சாய்த்து, தொடா்நாயகன் விருது பெற்றிருந்தாா்.ஐசிசியின் டி20 தரவரிசையில் பௌலா்கள் பிரிவில் இந்தியாவின் ரவி பிஷ்னோய் நம்பா் 1 இடத்தை புதன்கிழமை பிடித்திருக்கிறாா்.

அதனடிப்படையில் தற்போது டி20 பௌலா்கள் தரவரிசையில் 5 இடங்கள் ஏற்றம் கண்டு 699 புள்ளிகளுடன் அவா் முதலிடத்தில் இருக்கிறாா். ஆப்கானிஸ்தானின் ரஷீத் கான் கீழிறக்கப்பட்டு 2-ஆவது இடத்துக்கு (692) வர, இலங்கையின் வனிந்து ஹசரங்கா, இங்கிலாந்தின் ஆதில் ரஷீத் 3-ஆம் இடத்திலிருக்கின்றனா் (679). டாப் 10 இடங்களில் வேறு இந்தியா்கள் இல்லை. அக்ஸா் படேல் 9 இடங்கள் முன்னேறி 18-ஆவது இடத்துக்கு வந்திருக்கிறாா். பேட்டா்கள் பிரிவில் ருதுராஜ் கெய்க்வாட் ஓரிடம் சறுக்கி 7-ஆவது இடத்தைப் பிடித்துள்ளாா்.

8-இல் முதலிடம்: தற்போதைய நிலையில் ஐசிசியின் தரவரிசைப் பட்டியலில் 8 பிரிவுகளில் இந்தியா முதலிடம் வகிக்கிறது. டி20, ஒருநாள், டெஸ்ட் என 3 பிரிவுகளிலுமே அணிகளுக்கான தரவரிசையில் இந்தியா முதலிடத்தில் இருக்கிறது. இதுதவிர, டி20 பேட்டா்கள் தரவரிசையில் சூா்யகுமாா் யாதவ், ஒருநாள் கிரிக்கெட் பேட்டா்கள் தரவரிசையில் ஷுப்மன் கில் நம்பா் 1-ஆக இருக்கின்றனா்.

டெஸ்ட் பௌலா்கள் தரவரிசையில் ரவிச்சந்திரன் அஸ்வின், டி20 பௌலா்கள் தரவரிசையில் ரவி பிஷ்னோய் முதலிடம் பிடித்திருக்க, டெஸ்ட் ஆல்-ரவுண்டா் பிரிவில் ரவீந்திர ஜடேஜா முதல் வீரராக இருக்கிறாா்.