உலகின் மோசமான விமான நிலையம்: லக்‌ஷ்மண் சிவராமகிருஷ்ணன்

சென்னை விமான நிலையம் குறித்த தன் கருத்தை ட்விட்டரில் பதிவு செய்துள்ளார் இந்திய முன்னாள் வீரர் லக்‌ஷ்மண் சிவராமகிருஷ்ணன். 

தமிழகத்தைச் சேர்ந்த 57 வயது லக்‌ஷ்மண் சிவராமகிருஷ்ணன், இந்திய அணிக்காக 1983 முதல் 1987 வரை 9 டெஸ்டுகள், 16 ஒருநாள் ஆட்டங்களில் விளையாடியுள்ளார். தற்போது கிரிக்கெட் வர்ணனையாளராகப் பணிபுரிந்து வருகிறார்.

இந்நிலையில் ட்விட்டரில் லக்‌ஷ்மண் சிவராம கிருஷ்ணன் கூறியதாவது:

வெளிநாட்டு முதலீடு உங்களுக்கு வேண்டுமென்றால் முதலில் விமானநிலையத்தை மேம்படுத்துங்கள். உலகின் மோசமான விமான நிலையம் இது என்று கூறியுள்ளார். எந்த விமான நிலையம் என்று அவரிடம் ஒருவர் கேட்டதற்கு, சென்னை என்று கூறியுள்ளார்.