நியூசிலாந்து அணி பாகிஸ்தானுக்கு சுற்றுப் பயணம் செய்து டெஸ்ட் போட்டிகளை முடித்து தற்போது ஒருநாள் போட்டிகளில் விளையாடி வருகிறது.
நேற்று முதல் ஒருநாள் போட்டி நடைபெற்றது. இதில் முதலில் பேட்டிங் ஆடிய நியூசிலாந்து அணி 255 க்கு 9 விக்கெட்டுகளை இழந்தது. பின்னர் பாகிஸ்தான் அணி 48.1 ஒவரில் 258 ரன்கள் எடுத்து வெற்றி பெற்றது. இந்தப் போட்டியில் பாகிஸ்தான் வேகப் பந்து வீச்சாளர் நசீம் ஷா 5 விக்கெட்டுகளை எடுத்து அசத்தினார். ஆட்ட நாயகன் விருதினையும் பெற்றார்.
இரண்டாவது முறையாக 5 விக்கெட்டுகளை எடுத்துள்ளார் 19வயதான இளம் பாகிஸ்தான் வீரர் நசீம் ஷா. இது இவரது 4வது சர்வதேச ஒருநாள் போட்டி என்பதும் குறிப்பிடத்தக்கது. கடந்தாண்டு ஆக.16இல் நெதர்லாந்துக்கு எதிராக முதன்முறையாக ஒருநாள் போட்டியில் பங்கேற்றார். அந்த தொடரின் 3வது போட்டியில் முதன்முறையாக 5 விக்கெட்டுகளை எடுத்து அசத்தினார்.
தற்போது 2வது முறையாக இந்த சாதனையை வெறும் 4 போட்டிகளிலே சாத்தித்துள்ளார். இதுவரை 15 விக்கெட்டுகளையும் எடுத்துள்ளார்.