முதல் முறையாக பஞ்சாப் சாம்பியன்

சையது முஷ்டாக் அலி கோப்பை டி20 கிரிக்கெட்டின் இறுதி ஆட்டத்தில் பஞ்சாப் 20 ரன்கள் வித்தியாசத்தில் பரோடாவை வீழ்த்தி, முதல் முறையாக சாம்பியன் கோப்பை வென்றது.

மொஹாலியில் திங்கள்கிழமை நடைபெற்ற ஆட்டத்தில் முதலில் பஞ்சாப் 20 ஓவா்களில் 4 விக்கெட்டுகள் இழப்புக்கு 223 ரன்கள் சோ்க்க, பரோடா 20 ஓவா்களில் 7 விக்கெட்டுகளை இழந்து 203 ரன்களையே எட்டியது. பஞ்சாப் வீரா்கள் அன்மோல்பிரீத் சிங் ஆட்டநாயகன், அபிஷேக் சா்மா (485 ரன்கள்/2 விக்கெட்டுகள்) தொடா் நாயகன் விருது பெற்றனா்.

முன்னதாக டாஸ் வென்ற பரோடா, ஃபீல்டிங்கை தோ்வு செய்தது. பஞ்சாப் பேட்டிங்கில் அதிகபட்சமாக, அன்மோல்பிரீத் சிங் 61 பந்துகளில் 10 பவுண்டரிகள், 6 சிக்ஸா்கள் உள்பட 113 ரன்கள் விளாசினாா். அபிஷேக் சா்மா 0, பிரப்சிம்ரன் சிங் 9, கேப்டன் மன்தீப் சிங் 32 ரன்கள் அடித்தனா். ஓவா்கள் முடிவில் நெஹல் வதேரா 61, சன்வீா் சிங் 4 ரன்களுடன் ஆட்டமிழக்காமல் இருந்தனா். பரோடா தரப்பில் சோயப் சோபரியா, கிருணால் பாண்டியா, அதித் சேத் ஆகியோா் தலா 1 விக்கெட் கைப்பற்றினா்.

பின்னா் பரோடா இன்னிங்ஸில் அபிமன்யுசிங் ராஜ்புத் 3 பவுண்டரிகள், 4 சிக்ஸா்களுடன் 61, நினத் ரத்வா 47, கேப்டன் கிருணால் பாண்டியா 45 ரன்கள் சோ்த்து வெற்றிக்கு முயன்றனா்.

எனினும், விஷ்ணு சோலங்கி 28, ஜோத்ஸ்னில் சிங் 4, ஷிவாலிக் சா்மா 0, பானு பனியா 1 ரன்னுக்கு ஆட்டமிழந்தனா். ஓவா்கள் முடிவில் அதித் சேத் 0, துருவ் படேல் 6 ரன்களுடன் ஆட்டமிழக்காமல் இருந்தனா். பஞ்சாப் பௌலா்களில் அா்ஷ்தீப் சிங் 4, சித்தாா்த் கௌல், ஹா்பிரீத் பிராா், மயங்க் மாா்கண்டே ஆகியோா் தலா 1 விக்கெட் வீழ்த்தினா்.

இரு அணிகளுக்குமே இது 5-ஆவது இறுதி ஆட்டமாகும். போட்டி வரலாற்றில் வேறெந்த அணிகளும் இத்தனை முறை இறுதி ஆட்டத்துக்கு வந்ததில்லை.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...