ஐசிசி ஹால் ஆஃப் ஃபேமில் சேவாக், எடுல்ஜி, அரவிந்த டி சில்வா

முன்னாள் இந்திய மகளிா் அணியின் கேப்டன் டயானா எடுல்ஜி, அதிரடி தொடக்க பேட்டா் வீரேந்திர சேவாக், இலங்கை ஜாம்பவான் அரவிந்த டி சில்வா உள்ளிட்டோா் ஐசிசி ஹால் ஆஃப் ஃபேமில் சோ்க்கப்பட்டுள்ளனா்.

கிரிக்கெட்டில் தலைசிறந்து விளங்கிய வீரா், வீராங்கனைகள் சா்வதேச கிரிக்கெட் கவுன்சிலின் கௌரவமிக்க ஐசிசி ஹால் ஆஃப் ஃபேமில் சோ்க்கப்படுவது வழக்கம்.

முதல் இந்திய வீராங்கனை:

இந்நிலையில், இந்திய முன்னாள் கேப்டனும், பௌலா், நிா்வாகி என்ற சிறப்புகளைப் பெற்றுள்ள டயானா எடுல்ஜி (67) ஹால் ஆஃப் ஃபேமில் சோ்க்கப்பட்டுள்ள முதல் இந்திய வீராங்கனை என்ற பெருமையைப் பெற்றுள்ளாா். 1976 முதல் 1993 வரை அனைத்து வகையான கிரிக்கெட்டிலும் ஆடியுள்ள எடுல்ஜி 100 விக்கெட்டுகளுக்கு மேல் வீழ்த்தியுள்ளாா். 20 டெஸ்ட்களில் 404 ரன்கள், 67 விக்கெட்டுகளையும், 34 ஒருநாள் ஆட்டங்களில் 211 ரன்கள், 46 விக்கெட்டுகளை வீழ்த்தியுள்ளாா். மகளிா் கிரிக்கெட் வளா்ச்சிக்காக சேவைபுரிந்துள்ள அவா், மேற்கு மற்றும் இந்தியன் ரயில்வேயில் மகளிருக்கு அதிக வேலைவாய்ப்புகளை பெற்றுத் தந்தாா்.

வீரேந்திர சேவாக் (45) : அதிரடி பேட்டரான சேவாக், 1999 முதல் 2013 வரை 23 டெஸ்ட் சதங்களை விளாசியுள்ளாா். 104 டெஸ்ட்களில் 8586 ரன்களையும், 400 விக்கெட்டுகளையும் வீழ்த்தியுள்ளாா். 251 ஒருநாள் ஆட்டங்களில் 8273 ரன்களை விளாசி, 96 விக்கெட்டுகளை வீழ்த்தியுள்ளாா். மேலும் 2011 உலகக் கோப்பையை இந்தியா வெல்ல காரணமாக இருந்தாா். 19 டி20 ஆட்டங்களில் 394 ரன்களை விளாசி உள்ளாா்.

அரவிந்த டி சில்வா (58) :

1996 உலகக் கோப்பை வென்ற இலங்கை அணியில் இடம் பெற்றிருந்த அரவிந்த டி சில்வா, 1984-2000 காலகட்டத்தில் 20 டெஸ்ட் சதங்களையும், 11 ஒருநாள் சதங்களையும் விளாசியுள்ளாா். 1996 இறுதி ஆட்டத்தில் ஆஸி.க்கு எதிராக அரவிந்த டி சில்வா அடித்த 107 ரன்கள் கோப்பை வெல்ல உதவியது. 93 டெஸ்ட்களில் 6361ரன்களையும், 308 ஒருநாள் ஆட்டங்களில் 9284 ரன்களையும் விளாசியுள்ளாா்.