சதுரங்க ஒலிம்பியாட் போட்டியில் தமிழ்நாடு அரசு தொடங்கி வைத்த பயணம், மின்னல் வேக ஓட்டப் பந்தய வீரா் உசேன்போல்ட்டின் ஓட்டத்தைப் போன்று வேகமெடுத்து வருகிறது. தமிழ்நாட்டின் சதுரங்க மரபுக்கு ஒரு மைல்கல்லாக அமைந்தது சதுரங்க ஒலிம்பியாட் போட்டி. இந்தப் போட்டியில் 188 நாடுகளைச் சோ்ந்த 1,654 வீரா்களும், 452 அதிகாரிகள் மற்றும் பயிற்சியாளா்களும் பங்கேற்றனா். விளையாட்டு வரலாற்றில் மிகக்குறைந்த காலத்தில் அதாவது ஐந்து மாதங்கள் இடைவெளியில் செஸ் ஒலிம்பியாட் போட்டிகள் சிறப்பாக நடத்தப்பட்டது.
உலக நாடுகளின் கவனத்தை ஈா்த்த செஸ் ஒலிம்பியாட் போட்டிகளுக்கான ஏற்பாடுகளை, சட்டப் பேரவை உறுப்பினராக இருந்த போதும், தமிழக அரசுடன் இணைந்து பணிகளை இழுத்துப் போட்டுச் செய்தாா், உதயநிதி ஸ்டாலின். இந்தப் போட்டிகள் நிறைவடைந்த ஒருசில மாதங்களில் அதாவது 2022-ஆம் ஆண்டு டிசம்பரில், விளையாட்டு மேம்பாட்டுத் துறைக்கான தொடா் ஓட்டக் குச்சி உதயநிதி ஸ்டாலினை கையில் கொடுக்கப்பட்டது.
அமைச்சராகப் பொறுப்பேற்றதும், சட்டப் பேரவையில் உறுப்பினா்களின் கேள்விக்கு அவா் அளித்த பதில் விளையாட்டுத் துறையின் மீது அதுவும் பாரம்பரிய விளையாட்டுகள் மீதான ஆா்வத்தை வெளிக்காட்டியது. பேரவையில் உறுப்பினா்களின் கேள்விக்கு பதிலளித்ததுடன், ஒரு கருத்தினை வெளியிட்டாா். பாரம்பரிய விளையாட்டுகள் அடங்கிய கபடி மற்றும் சிலம்பப் போட்டிகளை உள்ளடக்கிய முதலமைச்சா் கோப்பைக்கான விளையாட்டுப் போட்டிகள் ஜூன் மாதத்தில் முடிக்கப்படும் என்று பதிலளித்தாா்.
பாரம்பரியமிக்க உலகக் கோப்பை கபடி போட்டியை சென்னையில் நடத்துவது தொடா்பாக முதல்வரின் கவனத்துக்குக் கொண்டு செல்லப்படும் எனவும் உறுதி அளித்தாா்.
அனைத்துப் பிரிவினா் பங்கேற்பு:
செஸ் போன்ற தனிநபா் விளையாட்டுகள் மட்டுமின்றி, அரசுப் பள்ளி கல்லூரியைச் சோ்ந்தவா்கள், அரசு ஊழியா்கள், பொது மக்கள், மாற்றுத் திறனாளிகள் என பல்வேறு பிரிவினரும் பங்கேற்கும் முதலமைச்சா் கோப்பைக்கான போட்டிகள் மீது அவரது கவனம் சென்றது. இதற்குக் காரணம், சாமானிய மக்களையும் அனைத்துப் பிரிவு விளையாட்டின் கீழ் கொண்டு வரச் செய்வதே முதலமைச்சா் கோப்பைக்கான போட்டிகளின் அம்சமாகும்.
நமது பாரம்பரிய விளையாட்டுகளான கபடி, சிலம்பம் விளையாட்டுகளுடன் 12 வகையான விளையாட்டுகளை உள்ளடக்கியதே முதலமைச்சா் கோப்பைக்கான போட்டியாகும். கடந்த நிதியாண்டில் (2022-23) மட்டும் மாவட்ட அளவிலான போட்டியில் மட்டும் 3 லட்சத்து 71 ஆயிரத்து 351 போ் பங்கேற்றுள்ளது, முதலமைச்சா் கோப்பைக்கான போட்டிகளின் மீது அரசுக்கு இருக்கும் அக்கறையைக் காட்டுவதாக விளையாட்டு ஆா்வலா்கள் கருத்துத் தெரிவித்தனா்.
விளையாட்டு வீரா்களை ஊக்கப்படுத்துவது மட்டுமின்றி, விளையாட்டுக்கான உட்கட்டமைப்பு வசதிகளை மேம்படுத்துவதிலும் அமைச்சா் உதயநிதி ஸ்டாலின் கவனம் செலுத்தி வருகிறாா். சென்னையில் உலகத் தரத்திலான விளையாட்டு நகரம், சென்னை, திருச்சி, மதுரை, நீலகிரி ஆகிய இடங்களில் ஒலிம்பிக் அகாதெமிகள் அமைப்பது போன்றவை விளையாட்டுத் துறையையும் விளையாட்டு வீரா்களையும் சா்வதேச அளவுக்கு எடுத்துச் செல்லும் என்பதே விளையாட்டு வீரா்களின் கருத்தாக உள்ளது.
சட்டப் பேரவைத் தொகுதிகள்:
விளையாட்டுகளின் மீது கவனம் செலுத்தும் வீரா்கள் அதற்காக பெருநகரங்களுக்கு ஓடோடிச் செல்வதைத் தடுக்கவும் புதுமுக நடவடிக்கைகளை அமைச்சா் உதயநிதி ஸ்டாலின் தலைமையிலான விளையாட்டு மேம்பாட்டுத் துறை எடுத்து வருகிறது. அதன் ஒரு பகுதியாக, தமிழ்நாட்டில் உள்ள 234 சட்டப் பேரவைத் தொகுதிகளிலும் சிறு விளையாட்டரங்கம் அமைக்கும் பணிகள் தொடங்கியுள்ளன.
ஏற்கெனவே, 29 தொகுதிகளில் தடகளம், கால்பந்து, கூடைப்பந்து, கைப்பந்து, கபாடி மற்றும் அந்தப் பகுதியில் பிரபலமான ஐந்து முக்கிய விளையாட்டுகளுக்கான மைதான வசதிகளுடன் சிறு விளையாட்டரங்கங்கள் அமைக்கப்பட்டுள்ளன. மீதமுள்ள தொகுதிகளிலும் அரங்குகள் அமைக்கும் பணி நடந்து வருகிறது.
நம்முடைய உள்ளூா் விளையாட்டு வீரா்களை ஊக்கப்படுத்தும் அதே வேளையில், சா்வதேச போட்டிகளை நமது வீரா்களின் கண்முன் கொண்டு வரும் பணியையும் தமிழக அரசு செய்து வருகிறது. டபிள்யூடிஏ சென்னை ஓபன் டென்னிஸ் போட்டி தொடா்ந்து நடைபெற்று வருகிறது. இதேபோன்று, ஏடிபி சேலஞ்சா் டூா் சா்வதேச ஆண்கள் டென்னிஸ் போட்டியும் கடந்த பிப்ரவரி 13 முதல் 19 வரை சென்னையில் நடைபெற்றது.
ஊக்கத் தொகைகள்: தமிழகம் முழுவதும் விளையாட்டுகளில் மிளிரும் வீரா்களை அடையாளம் கண்டு அவா்களை ஊக்கப்படுத்தும் பணியை தமிழக அரசு செய்து வருகிறது. குறிப்பாக, விளையாட்டு வீரா்களுக்கு பயிற்சி அளிப்பதுடன், தேசிய, சா்வதேச அளவிலான போட்டிகளில் வென்றால் உடனடியாக உயரிய ஊக்கத் தொகைகள் வழங்கப்பட்டு விடுகின்றன. தாமதிக்காமல் வழங்கப்படும் இதுபோன்ற உயரிய ஊக்கத் தொகைகள் தங்களை மேலும் உற்சாகப்படுத்தும் என்கிறாா்கள், விளையாட்டு வீரா்கள்.
புதிய புதிய விளையாட்டுகள்: சென்னை நகரமானது, செஸ், டென்னிஸ் போன்ற வழக்கமான விளையாட்டுகளை அடிக்கடி பாா்த்து வருகிறது. இந்த விளையாட்டுகளைத் தாண்டி புதிய விளையாட்டுகளை நமது இளைஞா்களுக்கு காண்பிக்கும் பணியையும் விளையாட்டு மேம்பாட்டுத் துறை தொடங்கியுள்ளது.
அதன் ஒரு கட்டமாக, நீா் விளையாட்டு ஆா்வலா்களை ஊக்குவிக்க அலைச் சறுக்கு விளையாட்டுப் போட்டிகள் கடந்த ஆண்டு நடத்தப்பட்டன. இதுபோன்று புதிய விளையாட்டின் தொடா்ச்சியாக, சென்னை ஃபாா்முலா ரேசிங் சா்க்யூட் போட்டி அடுத்த மாதம் (டிசம்பா்) 9 மற்றும 10 ஆகிய தேதிகளில் நடத்தப்பட உள்ளன.
இந்தப் போட்டியானது, இந்தியன் சாம்பியன்ஷிப் மற்றும் இந்தியன் ரேசிங் லீக் ஆகியன இணைந்து நடத்தவுள்ளன. சென்னை மாநகரில் தீவுத்திடலில் மைதானத்தில் இருந்து 3.5 கிலோமீட்டா் சுற்றளவில் இரவுப்போட்டியாக நடத்தப்படுகிறது. இந்தப் போட்டியில் இந்தியா மற்றும் வெளிநாடுகளில் இருந்து ஆண்கள், பெண் ஓட்டுநா்கள் பங்கேற்க இருக்கிறாா்கள். இந்தப் போட்டியை தமிழ்நாட்டில் நடத்த அரசு சாா்பில் ரூ.40 கோடி நிதி ஒதுக்கப்பட்டுள்ளது. அதில் முதல்கட்டமாக தமிழ்நாடு விளையாட்டு மேம்பாட்டு ஆணையம் சாா்பில் ரூ.15 கோடியில் நிதி வழங்கப்பட்டுள்ளது.
அலைச் சறுக்கு விளையாட்டு, பாா்முலா ரேசிங் என புதிய புதிய விளையாட்டுகளில் அறிமுகப்படுத்தும் ரேசில் முந்தி நிற்கிறாா், விளையாட்டு மேம்பாட்டுத் துறை அமைச்சா் உதயநிதி ஸ்டாலின்.
‘கபடி, சிலம்பம் என பாரம்பரிய விளையாட்டுகள் மட்டுமின்றி நவீன விளையாட்டுகளையும் போட்டிகளையும் நடத்தும் வகையில் தமிழகத்தை உருவாக்குவது எமது லட்சியம்’ என்கிறாா் உதயநிதி ஸ்டாலின். அமைச்சா் உதயநிதிக்கு ஒரு சல்யூட்!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.