சர்வதேசப் போட்டிகளில் இந்திய அணியின் முன்னாள் வீரர் சச்சின் டெண்டுல்கரின் விரும்பத்தகாத டக் அவுட் சாதனையை விராட் கோலி சமன் செய்துள்ளார்.
உலகக் கோப்பையில் லக்னௌவில் நேற்று நடைபெற்ற போட்டியில் இந்தியா - இங்கிலாந்து அணிகள் மோதின. இந்தப் போட்டியில் இங்கிலாந்தை 100 ரன்கள் வித்தியாசத்தில் வீழ்த்தி இந்தியா அபார வெற்றி பெற்றது. இந்தப் போட்டியில் இந்திய அணியின் விராட் கோலி 0 ரன்னில் ஆட்டமிழந்து அதிர்ச்சியளித்தார்.
முதல் முறை
உலகக் கோப்பையில் இதுவரை 32 போட்டிகளில் விளையாடியுள்ள விராட் கோலி முதல் முறையாக இங்கிலாந்துக்கு எதிரான நேற்றையப் போட்டியில் ரன் எடுக்காமல் ஆட்டமிழந்து வெளியேறினார்.
விரும்பத்தகாத சாதனை
சர்வதேசப் போட்டிகளில் அதிகமுறை டக் அவுட் ஆன இந்திய வீரர் என்ற சச்சின் டெண்டுல்கரின் விரும்பத்தகாத சாதனையை விராட் கோலி சமன் செய்துள்ளார். சர்வதேசப் போட்டிகளில் இதுவரை 34 முறை விராட் கோலி டக் அவுட் ஆகியுள்ளார்.