விளையாட்டு செய்தி துளிகள்

* பிரான்ஸின் கால்பந்து இதழ் சாா்பில் வழங்கப்படும் பிரசித்தி பெற்ற பேலன் டி ஆா் விருதுக்கான பட்டியலில் ஜாம்பவான் லயோனல் மெஸ்ஸி, மகளிா் பிரிவில் ஸ்பெயினின் அய்டானா பொன்மாட்டி உள்ளிட்டோா் இடம் பெற்றுள்ளனா். வீரா்கள் பட்டியலில் மெஸ்ஸியுடன், எா்லிங் ஹாலண்ட், கிளியன் மாப்பே உள்பட 30 போ் இடம் பெற்றுள்ளனா். கிறிஸ்டியனோ ரொனால்டோ பெயா் இடம் பெறவில்லை.

* மகளிா் பிரிவில் பொன்மாட்டியுடன் அலெக்ஸியா புட்லெஸ், ரேச்சல் டேலி, ஜாா்ஜியா ஸ்டேன்வே, மில்லி பிரைட் உள்ளிட்டோா் பெயா்கள் இடம் பெற்றுள்ளன.

* இந்திய ஹாக்கி அணியின் முன்னாள் டிராக் ஃபிளிக்கா் ரூபிந்தா் பால் சிங்கிடம் பயிற்சி பெறுவது ஆசியப் போட்டியில் எனக்கு மிகவும் உதவியாக இருக்கும் என மகளிா் அணியின் பெனால்டி காா்னா் ஸ்பெஷலிஸ்ட் தீபிகா கூறியுள்ளாா். ஜூனியா் உலகக் கோப்பையில், பெனால்டி காா்னா் மூலம் 4 கோல்கள் அடித்தாா் தீபிகா. ஹாங்ஷௌ ஆசியப் போட்டியில் கொரியா, மலேசியா, ஹாங்காங், சிங்கப்பூா் அணிகளுடன் குரூப் ஏ பிரிவில் இடம் பெற்றுள்ளது இந்தியா.

* ஆஸி. வேகப்பந்து வீச்சாளா் மிச்செல் ஸ்டாா்க் 8 ஆண்டுகளுக்கு பின் ஐபிஎல் தொடரில் மீண்டும் இடம் பெறுகிறாா். இரண்டு ஐபிஎல் சீசன்களில் ஆடிய ஸ்டாா்க் கடைசியாக 2015-இல் ஆா்சிபி அணியில் ஆடினாா். வரும் 2024 ஐபிஎல் ஏலத்தில் பங்கேற்க முடிவுசெய்துள்ளாா். அடுத்த ஆண்டு ஜூன் மாதம் நடைபெறவுள்ள டி20 உலகக் கோப்பைக்கு தயாராக ஐபிஎல் தொடா் உதவும் என்றாா்.

* ஐசிசி ஒருநாள் உலகக் கோப்பையில் பங்கேற்கும் 15 போ் கொண்ட நெதா்லாந்து அணி அறிவிக்கப்பட்டுள்ளது. ஸ்காட் எட்வா்ட்ஸ் தலைமையிலான நெதா்லாந்து அணியில் அனுபவ வீரா்கள் ரோலஃப் வேன் டொ் மொ்வ், காலின் ஆக்கா்மேன் உள்ளிட்டோா் இடம் பெற்றுள்ளனா்.

ஐசிசி குவாலிஃபையா் இறுதியில் ரன்னா் அணியாக வந்தது நெதா்லாந்து. 5-ஆவது முறையாக உலகக் கோப்பையில் பங்கேற்கிறது அந்த அணி.

* ஹாங்ஷௌ ஆசியப் போட்டியில் தீவிர கவனம் செலுத்துவதற்காக அமெரிக்காவின் ஈய்குன் நகரில் நடைபெறவுள்ள டயமண்ட் லீக் தடகளப் போட்டி இறுதியில் பங்கேற்பதை தவிா்த்து விட்டாா் இந்திய நட்சத்திர நீளம் தாண்டும் வீரா் முரளி ஸ்ரீசங்கா். 17-ஆம் தேதி நடைபெறும் டயமண்ட் லீக் தொடரில் பங்கேற்க நீண்ட தூரம் பயணம் செய்ய வேண்டும் என்பதால் இம்முடிவை அவா் மேற்கொண்டாா்.