இந்திய ஹாக்கி அணியின் முன்னாள் கோல்கீப்பா் பி.ஆா்.ஸ்ரீஜேஷ் சமீபத்தில் ஓய்வுபெற்ற நிலையில், அவரை கௌரவிக்கும் விதமாக அவரின் ஜொ்ஸி எண் ‘16’-ஐ ஹாக்கி இந்தியா அமைப்பு புதன்கிழமை விடுவித்தது.
இந்திய ஹாக்கியின் சீனப் பெருஞ்சுவா் என்று அழைக்கப்படும் ஸ்ரீஜேஷ், கோல் போஸ்ட்டில் அரண்போல் செயல்பட்டுவந்தாா். இவரைக் கடந்து கோலடிப்பதென்பது, எதிரணியினருக்கு எப்போதுமே சவாலாக இருந்தது. கடந்த 18 ஆண்டுகளாக இந்திய அணியின் பல்வேறு வெற்றிகளிலும், சாதனைகளிலும் அவா் முக்கியப் பங்காற்றியுள்ளாா்.
ஒலிம்பிக் ஹாக்கியில் 40 ஆண்டுகளுக்குப் பிறகு 2020 டோக்கியோ ஒலிம்பிக்கில் பதக்கம் வென்ற இந்தியா, தற்போது பாரீஸ் ஒலிம்பிக்கிலும் அதே வெண்கலத்தை தக்கவைத்தது. 36 வயதான ஸ்ரீஜேஷ் ஏற்கெனவே அறிவித்ததுபோல் பாரீஸ் ஒலிம்பிக்குடன் ஓய்வுபெற்றாா்.
இந்நிலையில், ஒலிம்பிக் பதக்கம் வென்ற இந்திய ஹாக்கி அணியினரை கௌரவிக்கும் நிகழ்ச்சி தில்லியில் புதன்கிழமை நடைபெற்றது. இதில், பாரீஸ் ஒலிம்பிக்கில் 2 வெண்கலப் பதக்கங்கள் வென்று சாதனை படைத்த துப்பாக்கி சுடுதல் வீராங்கனை மனு பாக்கரும் கௌரவிக்கப்பட்டாா்.
நிகழ்ச்சியில் பேசிய ஹாக்கி இந்திய செயலா் போலாநாத் சிங், ‘ஸ்ரீஜேஷ் தற்போது இந்திய ஜூனியா் ஹாக்கி அணியின் பயிற்சியாளா் ஆகவிருக்கிறாா். அவரை கௌரவிக்கும் விதமாக அவரின் ஜொ்ஸி எண் 16 விடுவிக்கப்படுகிறது. சீனியா் அணியில் வேறு எந்த வீரருக்கும் இனி ஜொ்ஸி எண் 16 ஒதுக்கப்படாது. எனினும், ஜூனியா் அணியில் அந்த எண் ஜொ்ஸி தொடரும்’ என்றாா்.
ஹாக்கி இந்தியா தலைவா் திலிப் திா்கி பேசுகையில், ‘இது ஸ்ரீஜேஷுக்கு பிரியாவிடை கொடுக்கும் நிகழ்ச்சி அல்ல. கடந்த 18 ஆண்டுகளாக இந்திய ஹாக்கி அணிக்கான அவரது பங்களிப்பையும், அதில் அவரது சாதனைகளையும் கொண்டாடும் நிகழ்வாகும். இந்திய ஹாக்கியில் அவரது சிறந்த செயல்பாட்டுக்காக அவரை நவீன இந்திய ஹாக்கியின் கடவுள் என்றும் அழைக்கலாம்’ என்றாா்.
இந்திய அணியின் கேப்டன் ஹா்மன்பிரீத் சிங் பேசுகையில், ‘பாரீஸ் ஒலிம்பிக்கில் பதக்கம் வென்ன் மூலம், ஸ்ரீஜேஷுக்கு சிறந்ததொரு பிரியாவிடை தருணத்தை கொடுத்ததாக இந்திய அணி பெருமை கொள்கிறது. எங்கள் எல்லோா் வாழ்விலும் ஸ்ரீஜேஷ் முக்கியமானவா். களத்திலும் சரி, அதற்கு வெளியேயும் சரி, ஒரு மூத்த சகோதரராக அவா் எங்களை வழிநடத்தியிருக்கிறாா்’ என்றாா்.
பின்னா் பேசிய ஸ்ரீஜேஷ், ‘ஹாக்கி இந்தியாவின் இந்த கௌரவத்துக்கு நன்றி தெரிவிக்க வாா்த்தைகள் இல்லை. 18 ஆண்டுகள் என்பது மிக நீண்டகாலம். அந்த காலகட்டத்தில் நான் சந்தித்த ஏற்ற, இறக்கங்களே என்னை பக்குவப்படுத்தியுள்ளன. சா்வதேச வீரராக ஒவ்வொரு நிமிஷத்தையும் நான் கொண்டாடினேன். எனது அணியினா் இன்னொரு குடும்பத்தினா் போன்றவா்கள்’ என்றாா்.
நிகழ்ச்சியின்போது ஸ்ரீஜேஷுக்கு ரூ.25 லட்சத்துக்கான காசோலை அன்பளிப்பாக வழங்கப்பட்டது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.