11 வருடங்களுக்குப் பிறகு பிபிஎல் கோப்பையை வென்ற பிரிஸ்பேன்! 

கிரிக்கெட்டுக்கு மிகவும் புகழ்பெற்ற நாடு ஆஸ்திரேலியா. பல உலகக் கோப்பைகளை வென்றுள்ளது. அங்கும் ஐபிஎல் போன்று டி20 தொடர் நடைபெறுகிறது. அதற்கு பிபிஎல் (பிக் பேஸ் லீக்) என்று பெயர். 2011-12இல் முதல் தொடர் நடைபெற்றது. 

டிச.7ஆம் தேதி தொடங்கிய இந்தத் தொடரின் இறுதிப் போட்டி இன்று (ஜன.24) நடைபெற்றது. இதில்  பிரிஸ்பேன் ஹீட், சிட்னி சிக்ஸர் அணியுடன் மோதியது. 

முதலில் பேட்டிங் செய்த பிரிஸ்பேன் 166/8 ரன்கள் எடுத்தது. அதிகபட்சமாக ஜோஷ் ப்ரௌன் 53, ரென்ஷா 40, மெக்ஸ்வீனே 33 ரன்கள் எடுத்தனர். 

இதையும் படிக்க: விராட் கோலிக்குப் பதிலாக ரஜத் படிதார்!

அடுத்து ஆடிய சிட்னி சிக்ஸர் 17.3 ஓவரில் 112 ரன்களுக்கு ஆல் அவுட்டானார்கள். இதில் அதிகபட்சமாக கேப்டன் ஹெண்ட்ரிக்ஸ் 25, ஜோஷ் பிலிப் 23 ரன்களும் எடுத்தனர். 

இதையும் படிக்க: டோவினோ தாமஸின் ‘நடிகர் திலகம்’ பெயர் மாற்றம்! காரணம் யார் தெரியுமா? 

பிரிஸ்பேன் சார்பாக ஸ்பென்சர் ஜான்சன் 4 விக்கெட்டுகளை எடுத்து அசத்தினார். இந்த சிறப்பான பந்து வீச்சுக்கு ஆட்ட நாயகன் விருதினை வென்றார். 

54 ரன்கள் வித்தியாசத்தில் வென்ற பிரிஸ்பேன் ஹீட் அணி சாம்பியன் பட்டம் பெற்றது. இது 2வது முறையாகும். ஏற்கனவே 2012-13 ஆம் ஆண்டில் சாம்பியன் பட்டம் பெற்றுள்ளது குறிப்பிடத்தக்கது. 11 ஆண்டுகளுக்குப் பிறகு மீண்டும் சாம்பியன் பட்டம் பெற்றது அந்தணிக்கும் ரசிகர்களுக்கும் நெகிழ்ச்சியாக இருப்பதாக சமூக வலைதளத்தில் பகிர்ந்து வருகின்றனர்.