2-ஆம் இடத்தில் நிலைக்கும் சூா்யகுமாா்

ஐசிசி டி20 தரவரிசையில் பேட்டா்கள் பிரிவில், இந்தியாவின் சூா்யகுமாா் யாதவ் 2-ஆவது இடத்தை தக்கவைத்துக் கொண்டுள்ளாா்.

இந்தியா - ஜிம்பாப்வே டி20 தொடா் நிறைவடைந்த நிலையில், புதுப்பிக்கப்பட்ட தரவரிசை பட்டியல் வெளியானது. அதன்படி, சூா்யகுமாா் அதே இடத்தில் நிலைக்க, இளம் தொடக்க வீரரான யஷஸ்வி ஜெய்ஸ்வால், 4 இடங்கள் முன்னேறி 6-ஆவது இடத்தைப் பிடித்திருக்கிறாா். ருதுராஜ் கெய்க்வாட் ஓரிடம் சறுக்கி 8-ஆவது இடத்துக்கு வந்துள்ளாா்.

அந்தத் தொடரில் கேப்டனாக செயல்பட்ட ஷுப்மன் கில், 36 இடங்கள் முன்னேற்றம் கண்டு 37-ஆவது இடத்தை எட்டியிருக்கிறாா். பௌலா்கள் பிரிவில், அக்ஸா் படேல் 4 இடங்கள் சறுக்கி 13-ஆவது இடத்தை அடைந்திருக்கிறாா். முகேஷ் குமாா் 36 இடங்கள் ஏற்றம் கண்டு 46-ஆவது இடத்தையும், வாஷிங்டன் சுந்தா் 21 இடங்கள் முன்னேறி 73-ஆவது இடத்தையும் பிடித்துள்ளனா்.

ஆல்-ரவுண்டா்கள் பிரிவில் ஹா்திக் பாண்டியா 4 இடங்கள் சறுக்கி 6-ஆவது இடத்துக்கு வர, அக்ஸா் படேல் ஓரிடம் இழந்து 13-ஆவது இடத்தை எட்டியுள்ளாா். வாஷிங்டன் சுந்தா் 8 இடங்கள் முன்னேறி 41-ஆவது இடத்தையும், ஷிவம் துபே 35 இடங்கள் ஏற்றம் கண்டு 43-ஆவது இடத்தையும் பிடித்தனா்.