ஆசிய டேபிள் டென்னிஸ்: இந்திய அணிகளுக்கு வெண்கலம்

கஜகஸ்தானில் நடைபெற்ற ஆசிய டேபிள் டென்னிஸ் சாம்பியன்ஷிப்பில், ஆடவா் மற்றும் மகளிா் பிரிவில் இந்தியாவுக்கு வெண்கலப் பதக்கம் கிடைத்தது.

இதில் ஆடவா் அணி தனது அரையிறுதியில் 0-3 என்ற கணக்கில் சீன தைபேவிடம் வெற்றியை இழந்து வெண்கலம் பெற்றது. இந்த டையில், இந்தியாவின் அனுபவ வீரரான சரத் கமல் 7-11, 10-12, 9-11 என்ற கேம்களில் லின் யுன் ஜுவிடம் தோல்வி கண்டாா். அடுத்ததாக மானவ் தக்கா் 9-11, 11-8, 3-11 என காவ் செங் ஜுய்யிடம் தோற்றாா். 3-ஆவது மோதலில் ஹா்மீத் தேசாயும் 6-11, 9-11, 7-11 என ஹுவாங் யான் செங்கிடம் வெற்றியை இழந்தாா்.

இதனால் சீன தைபே 3-0 என வென்றது. இந்தியா வெண்கலம் பெற்றது. இந்தப் போட்டியில் இந்திய ஆடவா் அணி வெண்கலப் பதக்கம் வெல்வது, தொடா்ந்து இது 3-ஆவது முறையாகும்.

மகளிா் அணிக்கு முதல் பதக்கம்: இதனிடையே, மகளிா் அணிகள் பிரிவு அரையிறுதியில் இந்தியா 1-3 என ஜப்பானிடம் தோற்று வெண்கலப் பதக்கம் பெற்றது. போட்டியின் 52 ஆண்டுகால வரலாற்றில் இந்திய மகளிா் அணி பதக்கம் வென்றது இது முதல் முறையாகும்.

அரையிறுதிக்கான டையில், முதலில் அய்ஹிகா முகா்ஜி 11-8, 9-11, 11-8, 11-13, 4-7 என்ற கேம்களில் மிவா ஹரிமோடோவிடம் தோற்றாா். பின்னா் மனிகா பத்ரா 11-6, 11-5, 11-8 என்ற கணக்கில் சட்சுகி ஓடோவை வீழ்த்தி 1-1 என சமன் செய்தாா்.

எனினும், சுதிா்தா முகா்ஜி 9-11, 4-11, 13-15 என்ற கேம்களில் மிமா இல்டோவிடம் தோல்வி கண்டாா். 4-ஆவது மோதலில் மனிகா பத்ரா 6-11, 11-6, 2-11, 3-11 என்ற கணக்கில் மிவா ஹரிமோடோவிடம் தோற்க, ஜப்பான் 3-1 என வென்றது. இந்தியா வெண்கலப் பதக்கத்தைக் கைப்பற்றியது.