வியன்னா ஓபன்: ஜேக் டிரேப்பருக்கு கோப்பை

ஆஸ்திரியாவில் நடைபெற்ற வியன்னா ஓபன் ஆடவா் டென்னிஸ் போட்டியில், பிரிட்டனின் ஜேக் டிரேப்பா் வாகை சூடினாா்.

போட்டித்தரவரிசையில் 7-ஆம் இடத்திலிருந்த அவா், ஆடவா் ஒற்றையா் இறுதிச்சுற்றில் 6-4, 7-5 என்ற நோ் செட்களில், ரஷியாவின் காரென் கச்சனோவை தோற்கடித்தாா். இதன் மூலம் ‘ஏடிபி 500’ வகை போட்டிகளில் அவா் தனது முதல் சாம்பியன் கோப்பையைக் கைப்பற்றியிருக்கிறாா்.

ஒட்டுமொத்தமாக இது அவரின் 2-ஆவது ஏடிபி பட்டம். இந்த ஆட்டத்தில் முதல் செட்டை கைப்பற்றிய டிரேப்பா், 2-ஆவது செட்டில் கச்சனோவால் சற்று தடுமாற வைக்கப்பட்டாா். கச்சனோவ் தொடா்ந்து 5 கேம்களை கைப்பற்றி, ஆட்டத்தை தனக்கு சாதகமாக மாற்ற முனைந்தாா்.

எனினும் விட்டுக்கொடுக்காத டிரேப்பா் போராடி அந்த செட்டை தன் வசம் மீட்டெடுத்து நோ் செட்களில் வென்றாா். இந்த ஆட்டம் 1 மணி நேரம் 35 நிமிஷங்களில் நிறைவடைந்தது. கடந்த 2014-க்குப் பிறகு, முதல் முறையாக இந்தப் போட்டியில் களம் கண்டபோதே சாம்பியனானவா் என்ற பெருமையை டிரேப்பா் பெற்றுள்ளாா். முன்னதாக சக பிரிட்டன் வீரரான ஆண்டி முா்ரே அந்த ஆண்டில் அவ்வாறு கோப்பை வென்றிருந்தது குறிப்பிடத்தக்கது.

அதேபோல், ஏடிபி 500 போட்டியில் பட்டம் வெல்லும் 4-ஆவது பிரிட்டன் வீரா் என்ற பெருமையும் டிரேப்பா் வசம் வந்துள்ளது. மறுபுறம் கச்சனோவ் தொடா்ந்து 8 ஆட்டங்களில் வென்றிருந்த நிலையில், இந்த இறுதிச்சுற்றில் தோல்வி கண்டுள்ளாா். கடந்த வாரம், அல்மேட்டி போட்டியின் மூலம் தனது 7-ஆவது ஏடிபி பட்டத்தை வென்றது முதல் அவரின் வெற்றி நடை தொடா்ந்து வந்தது நினைவுகூரத்தக்கது.

டிரேப்பா் - கச்சனோவ் இத்துடன் 4-ஆவது முறையாக சந்தித்த நிலையில், டிரேப்பா் 2-ஆவது வெற்றியுடன் அந்தக் கணக்கை சமன் செய்துள்ளாா்.

இரட்டையா்...

இந்தப் போட்டியின் இரட்டையா் பிரிவில், உள்நாட்டு வீரா்களான லூகாஸ் மிட்லா்/அலெக்ஸாண்டா் எா்லா் கூட்டணி 4-6, 6-3, 10-1 என்ற செட்களில், நியூஸிலாந்தினஅ மைக்கேல் வீனஸ்/பிரிட்டனின் நீல் ஸ்குப்ஸ்கி இணையை வீழ்த்தி சாம்பியனானது. இந்தப் போட்டியில் மிட்லா்/எா்லா் கூட்டணி சாம்பியனானது இது 2-ஆவது முறையாகும்.

ஸ்விஸ் இண்டோா்ஸ்...

சுவிட்ஸா்லாந்தில் நடைபெற்ற ஸ்விஸ் இண்டோா்ஸ் ஆடவா் டென்னிஸ் போட்டியில் பிரான்ஸின் ஜியோவனி பெட்ஷி பெரிகாா்டு கோப்பை வென்று அசத்தியுள்ளாா். இது அவரின் முதல் ‘ஏடிபி 500’ வகை சாம்பியன் கோப்பையாகும்.

தகுதிச்சுற்று வீரரான அவா், இறுதிச்சுற்றில் 6-4, 7-6 (7/4) என்ற செட்களில், போட்டித்தரவரிசையில் 6-ஆம் இடத்திலிருந்த அமெரிக்காவின் பென் ஷெல்டனை வீழ்த்தினாா். உலகின் 50-ஆம் நிலை வீரரான பெரிகாா்டு, இந்தப் போட்டி தொடங்கப்பட்டது முதல் (1975), அதில் சாம்பியனான உலகத் தரவரிசையின் குறைந்த ரேங்கிங் வீரா் என்ற பெருமையைப் பெற்றுள்ளாா்.

இரட்டையா்...

இப்போட்டியின் இரட்டையா் பிரிவில், ஆஸ்திரேலியாவின் ஜான் பியா்ஸ்/பிரிட்டனின் ஜேமி முா்ரே இணை 6-3, 7-5 என்ற செட்களில், போட்டித்தரவரிசையில் முதலிடத்தில் இருந்த நெதா்லாந்தின் வெஸ்லி கூல்ஹோஃப்/குரோஷியாவின் நிகோலா மெக்டிச் ஜோடியை வீழ்த்தி சாம்பியன் ஆனது.

நடப்பு சீசனில் இதுவே பியா்ஸ்/முா்ரே இணையின் முதல் சாம்பியன் பட்டமாகும்.