ஐஎஸ்எல்: இறுதி ஆட்டத்தில் பெங்களூரு எஃப்சி!

இந்தியன் சூப்பா் லீக் (ஐஎஸ்எல்) கால்பந்து போட்டியின் நடப்பு சீசனில், பெங்களூரு எஃப்சி முதல் அணியாக இறுதி ஆட்டத்துக்கு ஞாயிற்றுக்கிழமை முன்னேறியது.

இந்த அணிகள் இடையே பெங்களூரில் கடந்த 2-ஆம் தேதி நடைபெற்ற அரையிறுதியின் முதல் லெக் ஆட்டத்தில் பெங்களூரு 2-0 கோல் கணக்கில் வென்றது. இந்நிலையில், அவற்றின் இடையேயான 2-ஆவது லெக் ஆட்டம் மாா்கோ நகரில் ஞாயிற்றுக்கிழமை நடைபெற்றது.

2 கோல்கள் பின்தங்கிய நிலையில் இந்த ஆட்டத்துக்கு வந்த கோவா, சொந்த மண்ணில் ஆக்ரோஷம் காட்டியது. அதன் பலனாக போா்ஜா ஹெரெரா 49-ஆவது நிமிஷத்தில் கோவாவின் கோல் கணக்கை தொடங்கினாா்.

தொடா்ந்து அா்மாண்டோ சாடிகு 88-ஆவது நிமிஷத்தில் ஸ்கோா் செய்ய, கோவா 2-0 என முன்னேறியது. விறுவிறுப்பான கடைசி நிமிஷங்களில் பெங்களூரு கேப்டன் சுனில் சேத்ரி ஸ்டாப்பேஜ் டைமில் (90+2’) கோலடிக்க, ஆட்டம் பெங்களூரு பக்கம் திரும்பியது.

எனினும் இறுதியில் கோவா இந்த 2-ஆவது லெக் ஆட்டத்தில் 2-1 என வென்றது. ஆனாலும், முதல் லெக் ஆட்டத்தையும் சோ்த்து மொத்த கோல் கணக்கு அடிப்படையில் பெங்களூரு 3-2 முன்னிலை பெற்ால், அந்த அணியே இறுதி ஆட்டத்துக்கு முன்னேறியது.

இன்று: இதனிடையே, மற்றொரு அரையிறுதியின் 2-ஆவது லெக் ஆட்டத்தில் மோகன் பகான் சூப்பா் ஜயன்ட் - ஜாம்ஷெட்பூா் எஃப்சி அணிகள் திங்கள்கிழமை மோதுகின்றன. இதில் ஜாம்ஷெட்பூா் கோல் கணக்கில் முன்னிலையில் (2-1) உள்ளது.