செய்தி மடல்
இ-பேப்பர்
/
ஜெர்மனி ஜெயண்ட்ஸ் எனப்படும் பெயர்ன் மியூனிக் அணிக்காக 35 வயதாகும் தாமஸ் முல்லர் புன்டஸ்லீகா தொடரில் 500 போட்டிகளில் விளையாடியுள்ளார்.
தாமஸ் முல்லர் ஆக.15, 2008ஆம் ஆண்டு பெயர் மியூனிக் அணிக்காக அறிமுகமாகி 25 ஆண்டுகளாக விளையாடிவரும் இவர் இந்த சீசனோடு அணியை விட்டுப் பிரிகிறார்.
அறிமுகமானதிலிருந்து 6,101 நாள்களுக்குப் பிறகு புன்டஸ்லீகா தொடரில் ஒரே அணிக்காக 500-ஆவது முறையாக விளையாடி சாதனை படைத்துள்ளார்.
ஏற்கனவே, பெயர் மியூனிக் அணிக்காக ஒருவர் அதிகமான போட்டிகளில் (748) விளையாடியதில் இவர்தான் முதலிடத்தில் இருக்கிறார்.
கடந்த 2,000ஆம் ஆண்டில் இந்த அணியில் சேர்ந்த தாமஸ் முல்லர் அட்டாகிங் மிட்ஃபீல்டர், செகண்ட் ஸ்டிரைக்கராக விளையாடி வந்தார்.
இவரது பங்களிப்பில் 12 முறை புன்டெஸ்லீகா தொடரினையும் 2 முறை சாம்பியன்ஸ் லீக்கையும் 6 டிஎஃப்எக்ஸ் பட்டங்களையும் வென்றுள்ளார்.
தொடர்ச்சியாக 11 முறை புன்டெஸ்லீகா தொடரினை வென்றதில் இவர் முக்கிய பங்காற்றியுள்ளார். இந்தத் தொடரில் தனது 500-ஆவது போட்டியில் பங்கேற்றதுக்கு பலரும் வாழ்த்து தெரிவித்து வருகிறார்கள்.
இந்தப் போட்டியில் பெயர் மியூனிக் 3-0 அபார வெற்றிப் பெற்றது. 75 புள்ளிகளுடன் முதலிடத்தில் இருக்கும் பெயர்ன் மியூனிக் இந்தாண்டும் கோப்பையை கைப்பற்றுவதில் உறுதியாக இருக்கிறது.
இந்த அணியுடன் ஜூன் 30 உடன் தாமஸ் முல்லரின் ஒப்பந்தம் முடிவடைகிறது. கடைசியாக புன்டஸ்லீகா கோப்பையுடன் வெளியேறவிருக்கிறார்.
புன்டஸ்லீகா தொடரில் ஒரே அணிக்காக அதிகமுறை விளையாடியவர்கள்
1. கார்ல்-ஹெய்ன்ஸ் கோர்பெல் - 602 போட்டிகள் (ஐன்ட்ராக்ட் பிராங்பேர்ட் அணி)
2. மான்ஃப்ரெட் கால்ட்ஸ் - 581 போட்டிகள் (ஹம்பர்க் எஸ்வி)
3. மைக்கேல் லாமெக் - 518 போட்டிகள் (போச்சம் அணி)
4. தாமஸ் முல்லர் - 500 (பெயர்ன் மியூனிக் அணி)
5. கிளாஸ் ஃபிட்செல் - 477 (ஷால்கே 04 அணி)
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
