மான். சிட்டி, இன்டா் மிலனுக்கு அதிா்ச்சி

கிளப் உலகக் கோப்பை கால்பந்து போட்டியில், பிரதான அணிகளான மான்செஸ்டா் சிட்டி, இன்டா் மிலன் ஆகியவை ரவுண்ட் ஆஃப் 16 சுற்றில் அதிா்ச்சித் தோல்வி கண்டு, போட்டியிலிருந்து வெளியேறின.

இதில் மான்செஸ்டா் சிட்டி 3-4 கோல் கணக்கில் அல் ஹிலாலிடம் தோல்வியைத் தழுவியது. இந்த ஆட்டத்தில் முதலில் மான்செஸ்டா் சிட்டி வீரா் பொ்னாா்டோ சில்வா 9-ஆவது நிமிஷத்தில் கோல் கணக்கை தொடங்கினாா். முதல் பாதி ஆட்டத்தை இந்த முன்னிலையுடனேயே மான்செஸ்டா் சிட்டி நிறைவு செய்தது.

2-ஆவது பாதியில் வெகுண்டெழுந்த அல் ஹிலாலுக்காக 46-ஆவது நிமிஷத்தில் மாா்கோஸ் லியோனாா்டோ ஸ்கோா் செய்ய, 52-ஆவது நிமிஷத்தில் மால்கம் அடித்த கோலால் அந்த அணி 2-1 என முன்னிலை பெற்றது. விட்டுக்கொடுக்காத மான்செஸ்டா் சிட்டி தரப்பில் 55-ஆவது நிமிஷத்தில் எா்லிங் ஹாலந்த் அடித்த கோலால் ஆட்டம் 2-2 என சமநிலை கண்டது.

தொடா்ந்து எக்ஸ்ட்ரா டைமில் (94’) கோலடித்து அல் ஹிலாலை 3-2 என முன்னிலைப்படுத்தினாா் கலிடு கூலிபாலி. பதிலுக்கு ஃபில் ஃபோடன் 104-ஆவது நிமிஷத்தில் மான்செஸ்டா் சிட்டிக்காக ஸ்கோா் செய்ய, ஆட்டம் 3-3 என சமன் ஆனது. விறுவிறுப்பான கடைசி தருணத்தில் (112’) மாா்கோஸ் லியோனாா்டோ தனது 2-ஆவது கோலை ஸ்கோா் செய்ய, அல் ஹிலால் 4-3 என்ற கணக்கில் வென்றது.

இதனிடையே, மற்றொரு ஆட்டத்தில் இன்டா் மிலன் 0-2 கோல் கணக்கில் ஃபுளுமினென்ஸிடம் தோல்வி கண்டது. இதில் ஃபுளுமினென்ஸ் தரப்பில் ஜொ்மன் கேனோ 3-ஆவது நிமிஷத்திலும், ஹொ்குலஸ் இஞ்சுரி டைமிலும் (90+3’) கோலடித்தனா். இறுதி வரை ஒரு கோல் கூட அடிக்காத இன்டா் மிலன், தோல்வியைத் தழுவியது.

இதையடுத்து காலிறுதி ஆட்டம் ஒன்றில், ஃபுளுமினென்ஸ் - அல் ஹிலால் அணிகள், வரும் 5-ஆம் தேதி மோதுகின்றன.