காலிறுதியில் மோதும் ஸ்வெரெவ் - மெத்வதெவ்!

சீனா ஓபன் டென்னிஸ் போட்டியின் காலிறுதிச்சுற்றில், ஜொ்மனியின் அலெக்ஸாண்டா் ஸ்வெரெவ் - ரஷியாவின் டேனியல் மெத்வதெவ் மோதுகின்றனா்.

ஆடவா் ஒற்றையா் காலிறுதிக்கு முந்தைய சுற்றில், போட்டித்தரவரிசையில் 2-ஆம் இடத்திலிருக்கும் ஸ்வெரெவ் 7-5, 3-6, 6-3 என்ற செட்களில், பிரான்ஸின் காரென்டின் மௌடெட்டை வீழ்த்தினாா். 8-ஆம் இடத்திலிருக்கும் மெத்வதெவ் 6-3, 6-3 என்ற நோ் செட்களில் ஸ்பெயினின் அலெக்ஸாண்ட்ரோ டேவிடோவிச்சை சாய்த்தாா்.

அடுத்து காலிறுதியில் ஸ்வெரெவ் - மெத்வதெவ் எதிா்கொள்கின்றனா். இருவரும் இதுவரை 20 முறை மோதியிருக்க, மெத்வதெவ் 13 வெற்றிகளுடன் முன்னிலையில் இருக்கிறாா்.

இதனிடையே, மற்றொரு காலிறுதியில் இத்தாலியின் லொரென்ஸோ முசெத்தி - அமெரிக்காவின் லாரென் டியென் சந்திக்கின்றனா். போட்டித்தரவரிசையில் 4-ஆம் இடத்திலிருக்கும் முசெத்தி 6-3, 6-3 என்ற நோ் செட்களில் பிரான்ஸின் அட்ரியன் மன்னரினோவை வெளியேற்றினாா். டியென் 6-3, 6-2 என்ற வகையில், இத்தாலியின் ஃப்ளாவியோ கோபோலியை தோற்கடித்தாா்.

கௌஃப், பாலினி முன்னேற்றம்: இப்போட்டியின் மகளிா் ஒற்றையா் பிரிவில், அமெரிக்காவின் கோகோ கௌஃப், இத்தாலியின் ஜாஸ்மின் பாலினி ஆகியோா் காலிறுதிக்கு முந்தைய சுற்றுக்கு முன்னேறினா்.

இதில், நடப்பு சாம்பியனும், உலகின் 2-ஆம் நிலை வீராங்கனையுமான கௌஃப் 6-4, 4-6, 7-5 என்ற செட்களில், கனடாவின் லெய்லா ஃபொ்னாண்டஸை வீழ்த்தினாா். போட்டித்தரவரிசையில் 6-ஆம் இடத்திலிருக்கும் பாலினி 6-3, 6-0 என, அமெரிக்காவின் சோஃபியா கெனினை வெளியேற்றினாா்.

அடுத்த சுற்றில், கௌஃப் - சுவிட்ஸா்லாந்தின் பெலிண்டா பென்சிச்சையும், பாலினி - செக் குடியரசின் மேரி புஸ்கோவாவையும் எதிா்கொள்கின்றனா்.

15-ஆம் இடத்திலிருக்கும் பென்சிச் 4-6, 6-4, 6-3 என்ற செட்களில் ஆஸ்திரேலியாவின் பிரிஸில்லா ஹானையும், புஸ்கோவா 6-3, 7-5 என, 24-ஆம் இடத்திலிருந்த ரஷியாவின் வெரோனிகா குதா்மிடோவாவையும் தோற்கடித்தனா்.

8-ஆம் இடத்திலிருந்த கஜகஸ்தானின் எலனா ரைபகினா 3-6, 6-1, 4-6 என்ற செட்களில், ஜொ்மனியின் எவா லைஸிடம் அதிா்ச்சித் தோல்வி கண்டாா்.