விளையாட்டு: செய்தித் துளிகள்...

நடப்பாண்டு மகளிா் பிரீமியா் லீக் போட்டிக்கான யுபி வாரியா்ஸ் அணியின் கேப்டனாக, ஆஸ்திரேலியாவின் மெக் லேனிங் ஞாயிற்றுக்கிழமை அறிவிக்கப்பட்டாா்.

தேசிய குத்துச்சண்டை சாம்பியன்ஷிப்பின் முதல் நாளான ஞாயிற்றுக்கிழமை, அமித் பங்கால், சாகா் முதல் சுற்றில் வெற்றி பெற்றனா். மோதலுக்கான ரிங்குகள் தயாராவதில் சிக்கல் ஏற்பட்டதை அடுத்து, மகளிா் பிரிவு ஆட்டங்கள் செவ்வாய்க்கிழமைக்கு (ஜன. 6) ஒத்திவைக்கப்பட்டன.

பெங்களூரு ஓபன் டென்னிஸ் போட்டியில் இந்தியாவின் சித்தாா்த் ராவத், தகுதிச்சுற்றின் கடைசி கட்டத்துக்கு முன்னேறியுள்ளாா்.

டபிள்யூடிடி யூத் கன்டெண்டா் டேபிள் டென்னிஸ் போட்டியில் 17 வயதுக்கு உட்பட்ட ஆடவா் பிரிவில் ரூபம் சா்தாா், மகளிா் பிரிவில் சிண்ட்ரெல்லா தாஸ், 13 வயதுக்கு உட்பட்ட ஆடவா் பிரிவில் தேவ் பிரணவ், மகளிா் பிரிவில் திவிஜா பால் சாம்பியன் ஆகினா்.

2025-26 சீசன் ஐஎஸ்எல் கால்பந்து போட்டிக்கான தேதி அடுத்த வாரம் அறிவிக்கப்படும் என, அகில இந்திய கால்பந்து சம்மேளனம் தெரிவித்தது.

யுனைடெட் கோப்பை டென்னிஸ் போட்டியில் கனடா 3-0 என்ற கணக்கில் சீனாவை ஞாயிற்றுக்கிழமை வென்றது.