டி20 உலகக் கோப்பை தொடரில் ஆஸ்திரேலியாவுக்கு எதிரான இறுதி ஆட்டத்தில் நியூசிலாந்து அணி 172 ரன்கள் எடுத்துள்ளது.
டி20 உலகக் கோப்பை தொடரின் இறுதி ஆட்டம் இன்று நடைபெறுகிறது. துபையில் நடைபெறும் இந்த ஆட்டத்தில் ஆஸ்திரேலியாவும் நியூசிலாந்தும் பலப்பரீட்சை நடத்துகின்றன. இதில் டாஸ் வென்ற ஆஸ்திரேலிய கேப்டன் முதலில் பந்துவீச்சைத் தேர்வு செய்தார்.
தொடக்க ஆட்டக்காரர்களாக குப்தில், மிட்செல் ஆகியோர் களமிறங்கினர். மிட்செல் 11 ரன்களுக்கு வெளியேற பின்னர் வந்த கேப்டன் வில்லியம்சன் பொறுப்பான ஆட்டத்தை வெளிப்படுத்தினார். ஆனால் குப்தில் 28 ரன்கள் எடுத்த நிலையில் ஆட்டமிழந்தார்.
இவரைத் தொடர்ந்து களமிறங்கிய பிலிப்ஸும் 18 ரன்களுக்கு ஆட்டமிழந்தார். மற்றொரு புறம் சிறப்பான ஆட்டத்தை வெளிப்படுத்திய வில்லியம்சன் அரைசதம் கடந்தார். அவர் 48 பந்துகளில் 85 ரன்கள் எடுத்து ஆட்டமிழந்தார்.
நிர்ணயிக்கப்பட்ட 20 ஓவர்களில் நியூசிலாந்து 4 விக்கெட்டுகள் இழப்புக்கு 172 ரன்கள் எடுத்தது. ஜிம்மி நீஷம் 13, டிம் செய்பெர்ட் 8 ரன்களுடனும் களத்தில் இருந்தனர். ஆஸ்திரேலிய தரப்பில் அதிகபட்சமாக ஹேசில்வுட் 3 விக்கெட்டுகளை கைப்பற்றினார். ஆடம் ஷம்பா ஒரு விக்கெட் வீழ்த்தினார்.