டிடிவி தினகரனுடன் செங்கோட்டையன் சந்திப்பு

அதிமுக துணைப்பொதுச்செயலாளர் டிடிவி தினகரனுடன் பள்ளிகல்வித்துறை அமைச்சர் செங்கோட்டையன் ஆலோசனையில் ஈடுபட்டுள்ளார்.  

சென்னை பெசன்ட் நகரில் உள்ள தினகரன் இல்லத்தில் இந்த சந்திப்பு நடைபெற்று வருகிறது. அதிமுக அணிகளை ஒன்றிணைப்பது குறித்து இருவரும் ஆலோசனை நடத்தி வருவதாக தகவல் வெளியாகியுள்ளது. மேலும் இந்த சந்திப்பின் போது அமைச்சர் திண்டுக்கல் சீனிவாசனும் உடன் இருந்தார்.

முன்னதாக அமைச்சர்கள் செங்கோட்டையன் மற்றும் சீனிவாசன் இருவரும் முதல்வர் எடப்பாடி பழனிச்சாமியுடன் ஆலோசனை நடத்தியது குறிப்பிடத்தக்கது.