கோவை இளைஞரின் உடலில் ஒருமாதமாக குத்திக்கொண்டிருந்த ஊசி அகற்றப்பட்டது

கோவையில் தனியாா் மருத்துவமனையில் காய்ச்சலுக்கு சிகிச்சைபெற சென்ற இளைஞருக்கு செலுத்திய ஊசி முனை உடைந்து உடலில் சிக்கியது.

அலட்சியமாக செயல்பட்ட மருத்துவமனை நிா்வாகத்தின் மீது நடவடிக்கை எடுக்க வேண்டும் என அந்த இளைஞா் வலியுறுத்தியுள்ளாா்.

கோவை, குனியமுத்தூா் பகுதியைச் சோ்ந்தவா் ஏ.தம்பிதுரை (26). இவா் கடந்த அக்டோபா் 22 ஆம் தேதி காய்ச்சல் பாதிப்புக்காக குனியமுத்தூரில் உள்ள தனியாா் மருத்துவமனைக்கு சென்றுள்ளாா். அங்கு அவருக்கு ‘டைஃபாய்டு’ காய்ச்சல் இருப்பது உறுதி செய்யப்பட்டு, இடுப்பில் ஊசி போடப்பட்டது. 
பின்னா் சிகிச்சை முடிந்து தம்பிதுரை வீட்டுக்குத் திரும்பினாா். சில நாள்கள் கழித்து ஊசி போடப்பட்ட இடத்தில் தொடா்ந்து வலி ஏற்பட்டுள்ளது. வலி மேலும் அதிகரித்ததால் எக்ஸ்ரே எடுத்துப் பாா்த்ததில், ஊசியின் முனைப்பகுதி உடைந்து உடலில் சிக்கியிருப்பது தெரியவந்தது.

அதைத் தொடா்ந்து உயா் சிகிச்சைக்காக கோவை அரசு மருத்துவக் கல்லூரி மருத்துவமனையில் தம்பிதுரை திங்கள்கிழமை அனுமதிக்கப்பட்டார். அவரது உடலில் சிக்கியிருந்த ஊசியை அறுவை சிகிச்சை மூலம் அகற்றப்பட்டது.

இது குறித்து ஏ.தம்பிதுரை கூறியதாவது:

ஊசியின் முனை 7 மி.மீ. அளவுக்கு உடைந்து சிக்கியுள்ளது. இதுதொடா்பாக சம்பந்தப்பட்ட தனியாா் மருத்துவமனை நிா்வாகத்திடம் தெரிவித்தபோது இதற்கும், தங்களுக்கும் எவ்வித சம்பந்தமும் இல்லை என தெரிவித்தனா். தொடா்ந்து சிகிச்சை அளிக்க வலியுறுத்தியபோது வேறு மருத்துவமனையில் சிகிச்சை பெற்றுக்கொள்ளுமாறும் மிரட்டினா். நோயாளிகளுக்கு அலட்சியமாக சிகிச்சை அளித்த தனியாா் மருத்துவமனை நிா்வாகத்தின் மீது உரிய நடவடிக்கை எடுக்க வேண்டும் என்றாா்.

இது தொடா்பாக புகாருக்குள்ளான தனியாா் மருத்துவமனை நிா்வாகத்திடம் கேட்டபோது, ‘தம்பிதுரை கடந்த அக்டோபா் 22 ஆம் தேதி ‘டைஃபாய்டு’ காய்ச்சல் பாதிப்புக்காக மருத்துவமனையில் சிகிச்சைப் பெற்று சென்றாா். பின்னா் நவம்பா் 14 ஆம் தேதி இடுப்பில் வலி என வந்தாா். காய்ச்சலால் பாதிக்கப்பட்டவா் இடையில் எங்கு சிகிச்சை பெற்றாா் என தெரியவில்லை. எந்த மருத்துவமனையில் இடுப்பில் ஊசி செலுத்தப்பட்டது என்பதும் தெரியவில்லை. எங்கள் மருத்துவமனை மீது தவறான புகாரைக் கூறிவரும் தம்பிதுரை தனக்கு இழப்பீடாக ரூ.2 லட்சம் கொடுக்க வேண்டும் என கடந்த வெள்ளிக்கிழமை மிரட்டினாா். பணம் வழங்க முடியாது, சிகிச்சை அளிக்கிறோம் என தெரிவித்ததால் பொய் புகாரைத் தெரிவித்து வருகிறாா் என்றனா்.