திமுக பொதுச் செயலாளர் க.அன்பழகனின் உடல்நிலை குறித்து மு.க. ஸ்டாலின் நேரில் சென்று நலம் விசாரித்தார்.
தி.மு.க. பொதுச்செயலாளர் பேராசிரியர் அன்பழகன் (98). இவருக்கு கடந்த திங்கள்கிழமை திடீரென மூச்சு திணறல் ஏற்பட்டது. இதையடுத்து அவர் சென்னை ஆயிரம் விளக்கு பகுதியில் உள்ள அப்போலோ மருத்துவமனையில் அனுமதிக்கப்பட்டார்.
தீவிர சிகிச்சைப் பிரிவில் வைக்கப்பட்டிருக்கும் அவரது உடல்நிலையை மருத்துவர்கள் தொடர்ந்து கண்காணித்து வருகிறார்கள். இந்நிலையில் திமுக பொதுச் செயலாளர் க.அன்பழகனின் உடல்நிலை குறித்து அக்கட்சியின் தலைவர் மு.க. ஸ்டாலின் நேரில் சென்று இன்று நலம் விசாரித்தார்.