அம்பேத்கர் வழியில் தமிழக மக்களுக்கு திமுக கடமையாற்றும்: மு.க.ஸ்டாலின்

அம்பேத்கர் வழியில் தமிழக மக்களுக்கு திமுக கடமையாற்றும் என திமுக தலைவர் மு.க.ஸ்டாலின் தெரிவித்தார். 

சட்டமேதை அம்பேத்கரின் 130 ஆவது பிறந்தநாளையொட்டி அரசியல் தலைவர்கள் பலரும் அம்பேத்கரை நினைவு கூர்ந்து அவருக்கு புகழாரம் சூட்டி வருகின்றனர்.

அந்தவகையில் திமுக தலைவர் மு.க.ஸ்டாலின் சென்னை கோயம்பேட்டில் உள்ள அம்பேத்கர் சிலைக்கு மாலை அணிவித்து மரியாதை செலுத்தினார்.

அதன் பின்னர் செய்தியாளர்களிடம் பேசிய அவர், அம்பேத்கர் வழியில் தமிழக மக்களுக்கு திமுக நிச்சயம் கடமையாற்றும். தாழ்த்தப்பட்ட. ஒடுக்கப்பட்ட மக்களுக்காக தனது வாழ்நாள் முழுவதும் பாடுபட்டவர் அம்பேத்கர் என்று புகழாரம் சூட்டியுள்ளார்.

அதேபோன்று மதிமுக பொதுச் செயலாளர் வைகோவும் சென்னை கோயம்பேட்டில் உள்ள அம்பேத்கர் சிலைக்கு மாலை அணிவித்து மரியாதை செலுத்தினார்.