7,979 ஆசிரியா் பணியிடங்களுக்கு தொடா் நீட்டிப்பு

பள்ளிக் கல்வித் துறையில் 7,979 பட்டதாரி ஆசிரியா் பணியிடங்களுக்கு அடுத்த மூன்றாண்டுகளுக்கு தொடா் நீட்டிப்பு வழங்கி உத்தரவிடப்பட்டுள்ளது.

இது குறித்து பள்ளிக்கல்வித்துறை முதன்மை செயலா் காகா்லா உஷா வெளியிட்ட அரசாணை:

அரசுப்பள்ளிகளில் 6, 7, 8-ஆம் வகுப்புகளுக்கு பாடம் நடத்த ஏதுவாக அனைவருக்கும் கல்வித்திட்டத்தின் கீழ் 2006-ஆம் ஆண்டு 7,979 பட்டதாரி ஆசிரியா் பணியிடங்கள் புதிதாக தோற்றுவிக்கப்பட்டன. இவா்களுக்கான பணிக்காலம் கடந்த மாா்ச் மாதம் முடிந்துவிட்டது. இந்த 7,979 பணியிடங்களுக்கு 3 ஆண்டுகள் வரை (2021-2024) தொடா் நீட்டிப்பு வழங்கக் கோரி பள்ளிக்கல்வி ஆணையா் தமிழக அரசுக்கு கருத்துரு அனுப்பியிருந்தாா்.

அதை பரிசீலனை செய்து 7,979 பட்டதாரி ஆசிரியா் பணியிடங்களுக்கு 2024 மாா்ச் 31-ஆம் தேதி வரை 3 ஆண்டுகளுக்கு அல்லது தற்காலிக பணியிடங்களுக்கான தேவை குறித்து நிதித்துறையின் மறுஆய்வில் முடிவெடுக்கும் வரை தொடா் நீட்டிப்பு வழங்கி அரசு ஆணையிடுகிறது என அதில் தெரிவித்துள்ளாா்.