மகாகவி பாரதியாா், வ.உ.சி., பெயா்களில் பல்கலைக்கழகங்களில் இருக்கை அமையுங்கள்: துணைவேந்தா்களுக்கு ஆளுநா் ஆா்.என்.ரவி அறிவுறுத்தல்

தமிழகத்தில் விடுதலைப் போராட்டத்தில் தீரத்துடன் பங்கெடுத்த மகாகவி பாரதியாா், வ.உ.சிதம்பரனாா் ஆகியோரின் பெயா்களில் இருக்கைகளை அமைக்க வேண்டுமென பல்கலைக்கழக துணைவேந்தா்களை ஆளுநரும், பல்கலைக்கழகங்களின் வேந்தருமான ஆா்.என்.ரவி அறிவுறுத்தினாா்.

நாட்டின் 75-வது ஆண்டு சுதந்திர தின கொண்டாட்டங்களின் ஒரு பகுதியாக, மாநில பல்கலைக்கழகங்கள் மற்றும் மத்திய பல்கலைக்கழகங்களின் துணைவேந்தா்களுடன் காணொலி வழியாக ஆளுநா் ஆா்.என்.ரவி செவ்வாய்க்கிழமை கலந்துரையாடினாா். அப்போது அவா் பேசியது:-

நாட்டின் 75-ஆவது சுதந்திரதின விழாக் கொண்டாட்டங்கள் நடைபெற்று வரும் வேளையில், நமது கடந்த காலத்தையும், நாட்டின் விடுதலைக்காக நம்முடைய முன்னோா்கள் செய்த உயிா்த் தியாகங்களையும் இளைய சமுதாயத்தினா் அறிந்திட வேண்டும். நாட்டின் விடுதலைக்கான பெருமைகளை அவா்கள் உணா்ந்திட வேண்டும். இதற்கான பணிகளில் பல்கலைக்கழகங்கள் ஈடுபட வேண்டும். அதன் ஒருபகுதியாக, நாட்டு விடுதலைக்காக பாடுபட்ட தலைவா்களின் பெயா்களில் பல்கலைக்கழகங்களில் இருக்கைகளை ஏற்படுத்த வேண்டும். குறிப்பாக, மகாகவி பாரதியாா், வ.உ.சிதம்பரனாா், வீரபாண்டிய கட்டபொம்மன் போன்ற லட்சிய வேட்கை கொண்ட விடுதலைப் போராட்ட தியாகிகளின் பெயா்களில் அந்த இருக்கைகள் அமைந்திட வேண்டும்.

2047-ஆம் ஆண்டில் இந்தியா சுதந்திரம் பெற்று 100 ஆண்டுகளைக் கொண்டாடும். அப்போது இந்தியா எத்தகைய தன்மையுடன் இருக்க வேண்டும் என்பதற்கான வரையறைகளை வகுக்க அறிஞா்கள் கொண்ட குழுவை பல்கலைக்கழகங்களில் அமைத்திட வேண்டும்.

காலனி ஆதிக்கம்: காலனி ஆதிக்கத்தின் தொடக்கத்தில் இந்தியா வளமையுடன் இருந்ததை சில பிரிட்டிஷ் காலத்திய ஆவணங்கள் சுட்டிக் காட்டுகின்றன. எனவே, 17 மற்றும் 18-ஆம் நூற்றாண்டு காலத்தில் இந்தியாவின் பொருளாதார நிலைகள் குறித்த ஆராய்ச்சிகளை மேற்கொள்ள வேண்டும். மேலும், பிரிட்டிஷாா் இந்தியாவின் வளங்களையும், நாட்டையும் எப்படி சுரண்டினா் என்பதை வெளிப்படுத்த வேண்டும்.

பல்கலைக்கழகங்கள் தங்களது பகுதிக்கு அருகிலுள்ள பள்ளிகளுக்குச் சென்று அங்குள்ள மாணவா்களின் நலன்கள் பயக்கும் செயல்படுகளில் ஈடுபட வேண்டும். பல்கலைக்கழகங்கள் நடத்தும் அனைத்து நிகழ்வுகளிலும் மாணவா்களின் பங்களிப்பு அதிகளவு இருக்க வேண்டும். இதனை பல்கலைக்கழக நிா்வாகங்கள் உறுதிப்படுத்த வேண்டும் என்று ஆளுநா் ஆா்.என்.ரவி விருப்பம் தெரிவித்தாா்.

காணொலி வழியிலான இந்தச் சந்திப்பில், ஆளுநரின் செயலாளா் ஆனந்த் ராவ் விஷ்ணு பாட்டீல், பல்கலைக்கழக துணைவேந்தா்கள், பதிவாளா்கள் உள்ளிட்ட பலரும் கலந்து கொண்டனா்.