சென்னையில் 100 ரூபாயை நெருங்கும் பெட்ரோல் விலை; நெல்லையில் ரூ.100.19

சென்னையில் இன்று காலை பெட்ரோல் லிட்டருக்கு ரூ.99.80க்கும் டீசல் லிட்டருக்கு 93.72க்கும் விற்பனை செய்யப்படுகிறது.

கரோனா பரவலைத் தொடர்ந்து கடந்த மே மாதம் வரை பெட்ரோல், டீசல் விலைகளில் மாறுபாடு இல்லாமல் இருந்த நிலையில், ஜூன் மாதத்திலிருந்து எண்ணெய் நிறுவனங்கள் விலையை உயர்த்தி வருகின்றன.

சென்னையில் நேற்று ஒரு லிட்டர் பெட்ரோல் ரூ.99.49க்கும், டீசல் ரூ.93.46க்கும் விற்பனை செய்யப்பட்ட நிலையில், இன்று பெட்ரோல் விலை லிட்டருக்கு 31 காசுகள் உயர்ந்து ரூ.99.80க்கும், டீசல் லிட்டருக்கு 26 காசுகள் உயர்ந்து ரூ.93.72க்கும் விற்பனை செய்யப்படுகிறது.

இதையடுத்து சென்னையில் இன்று பெட்ரோல் விலை 100 ஐ தொட்டுள்ளது.

தமிழகத்தில் நெல்லையில் இன்று பெட்ரோல் விலை ரூ.100.19க்கும், டீசல் லிட்டருக்கு 94.13க்கும் விற்பனை செய்யப்படுகிறது.

திண்டுக்கல் மாவட்டத்தில் பெட்ரோல் லிட்டருக்கு ரூ.102 42க்கும், டீசல் லிட்டருக்கு ரூ.96க்கும் விற்பனையாகிறது.