முதல்வர் ரங்கசாமி பிறந்தநாள்: குடியரசுத் தலைவர், ஆளுநர் வாழ்த்து

புதுச்சேரி முதல்வர் ரங்கசாமிக்கு குடியரசுத் தலைவர் திரௌபதி முர்மு தொலைபேசி வழியாக வாழ்த்து தெரிவித்தார்.

புதுச்சேரி முதல்வர் என். ரங்கசாமியின் 72 ஆவது பிறந்த நாள் விழா வியாழக்கிழமை புதுச்சேரி என்.ஆர். காங்கிரஸ் தொண்டர்களால் சிறப்பாக கொண்டாடப்பட்டு வருகிறது. நகர் முழுவதும் தொண்டர்கள் பதாகைகள் வைத்தும், கோயில்களில் சிறப்பு வழிபாடு செய்தும், அன்னதானம் வழங்கியும் பிறந்தநாளை கொண்டாடி வருகின்றனர்.

என்.ஆர். காங்கிரஸ் தொண்டர்கள் சார்பில் புதுச்சேரி மணக்குள விநாயகர் கோவிலில் தங்கத்தேர் இழுத்து சிறப்பு பிரார்த்தனை மேற்கொண்டனர். ரங்கசாமி பெயரில் சிறப்பு அபிஷேகம் செய்யப்பட்டு அனைவருக்கும் அன்னதானம் வழங்கப்பட்டது.

இதையும் படிக்க | நேரு, வாஜ்பாயின் முட்டாள்தனத்தால் தைவானை சீனாவிடம் விட்டுக் கொடுத்தோம்: சுப்பிரமணியன் சுவாமி

முதல்வர் ரங்கசாமிக்கு குடியரசுத் தலைவர் திரௌபதி முர்மு தொலைபேசி வழியாக வாழ்த்து தெரிவித்தார்.

புதுச்சேரி துணைநிலை ஆளுநர் தமிழிசை சௌந்தர்ராஜன் ட்விட்டர் மூலமும், தொலைபேசி வாயிலாகவும் வாழ்த்து தெரிவித்தார்.

இதையும் படிக்க | சீர்காழியில் இரு மாநில அரசு பேருந்துகள் மோதி விபத்து: அதிர்ஷ்டவசமாக காயங்களுடன் பயணிகள் உயிர்தப்பினர்

புதுச்சேரி சட்டப்பேரவை தலைவர் ஆர்.செல்வம், அமைச்சர்கள் ஏ. நமச்சிவாயம், க.லட்சுமி நாராயணன், தேனீ ஜெயகுமார், எதிர்க்கட்சித் தலைவர் ஆர்.சிவா தலைமையிலான திமுக எம்எல்ஏக்கள், என்.ஆர்.காங்கிரஸ், பாஜக எம்எல்ஏக்கள் உள்ளிட்டோர் நேரில் சந்தித்து முதல்வர் ரங்கசாமிக்கு வாழ்த்து தெரிவித்தனர்.