சென்னையில் மந்தமான வாக்குப்பதிவு

மாநிலத்தின் பல்வேறு பகுதிகளைக் காட்டிலும் சென்னையில் வாக்குப்பதிவானது தொடர்ந்து மந்தமாக நடைபெற்று வருகிறது.

தமிழகத்தில் 648 நகர்ப்புற உள்ளாட்சி அமைப்புகளுக்கு இன்று ஒரேகட்டமாக தேர்தல் நடைபெற்று வருகிறது. காலை 7 மணிக்குத் தொடங்கிய வாக்குப்பதிவு விறுவிறுப்பாக நடைபெற்று வருகிறது. 

மாலை 5 முதல் 6 மணி வரை கரோனா நோயாளிகள் வாக்களிக்கலாம் என மாநிலத் தோ்தல் ஆணையம் தெரிவித்துள்ளது.

இதையும் படிக்க | நகர்ப்புற உள்ளாட்சித் தேர்தல்: பிற்பகல் 3 மணி நிலவரப்படி 47.18% வாக்குகள் பதிவு

இந்த நிலையில் மாநிலத்தின் பல்வேறு பகுதிகளைக் காட்டிலும் சென்னையில் வாக்குப்பதிவு சதவிகிதம் தொடர்ந்து மந்தமாக உள்ளது. காலை முதலே தேர்தலில் வாக்களிக்க சென்னையில் வாக்காளர்கள் ஈடுபாடு காட்டாத நிலையில் மாலை 3 மணி வரையிலான நிலவரப்படி மொத்தம் 31.89 சதவிகிதம் மட்டுமே வாக்குகள் பதிவாகியுள்ளன. 

காலை 9 மணிக்கு 3.96%, 11 மணிக்கு 17.88% வாக்குகள், பிற்பகல் 1 மணிக்கு 23.42% வாக்குகள் சென்னையில் பதிவாகின என்பது குறிப்பிடத்தக்கது.