சென்னை மக்களே எச்சரிக்கை: கரோனா நோயாளிகள் 2 நாளில் 2 மடங்கு அதிகரிப்பு

சென்னை: சென்னையில் ஜனவரி 1ஆம் தேதி 2,400 என்ற அளவிலிருந்த கரோனா நோயாளிகள் எண்ணிக்கை, ஜனவரி 4ஆம் தேதியன்று 4,259 ஆக அதிகரித்துள்ளது.

அதுபோல, நாள்தோறும் கரோனா உறுதி செய்யப்படும் எண்ணிக்கையும் அதிகரிக்கிறது. ஜனவரி ஒன்றாம் தேதி 682 ஆக இருந்தது, ஜனவரி 3ஆம் தேதி 876 ஆக உயர்ந்துள்ளது.

சென்னையில் டிசம்பர் மத்தியில் ஒரு நாள் கரோனா பாதிப்பு 120 என்ற அளவில் இருந்த நிலையில் டிசம்பர் 31ஆம் தேதியன்று இது 589 ஆக படிப்படியாக அதிகரித்து வருகிறது.

சென்னையில் ஜனவரி 4ஆம் தேதி காலை நிலவரப்படி, ஒட்டுமொத்தமாக கரோனா பாதித்தோர் எண்ணிக்கை 5.65 லட்சமாகவும், குணமடைந்தோர் எண்ணிக்கை 5.52 லட்சமாகவும், கரோனா நோயாளிகள் எண்ணிக்கை 4,259 ஆகவும் உள்ளது. இதுவரை கரோனாவுக்கு பலியானோர் எண்ணிக்கை 8,656 ஆக உள்ளது.

சென்னையில் அதிகபட்சமாக தேனாம்பேட்டையில் 538 கரோனா நோயாளிகளும், அடையாறு பகுதியில் 528 பேரும், கோடம்பாக்கத்தில் 520 பேரும் கரோனாவுக்கு சிகிச்சை பெற்று வருகிறார்கள்.