நீடாமங்கலம்: வலங்கைமானில் இரண்டு அதிமுக பிரமுகர்கள் வீடுகளில் லஞ்ச ஒழிப்புத் துறை அதிகாரிகள் சோதனை நடத்தியதால் அதிமுகவினரிடையே பரபரப்பு ஏற்பட்டுள்ளது.
லஞ்ச ஒழிப்புத்துறை அதிகாரிகள் சோதனை செய்த வலங்கைமான் ஒன்றியக்குழு தலைவர் குமாரமங்கலம் சங்கர் வீடு.
முன்னாள் உணவுத்துறை அமைச்சர் ஆர்.காமராஜ் ஆதரவாளர்களான அதிமுக வலங்கைமான் மேற்கு ஒன்றிய செயலாளரும், வலங்கைமான் ஊராட்சி ஒன்றியக்குழு தலைவருமான குமாரமங்கலம் சங்கர் வீடு மற்றும் திருவாரூர் மாவட்ட மாணவரணி இணை செயலாளர் ஆதிச்சமங்கலம் ஜெய இளங்கோவன் வீடு ஆகியவற்றில் வெள்ளிக்கிழமை (ஜூலை 8) காலை 6 மணி முதல் 5 பேர் கொண்ட லஞ்ச ஒழிப்புத் துறை அதிகாரிகள் இரண்டு குழுவினர் ஒரே நேரத்தில் இரண்டு பேரின் வீடுகளிலும் சோதனை நடத்தியதால் அதிமுகவினரிடையே பரபரப்பு ஏற்பட்டுள்ளது.