மாநில கல்விக் கொள்கையை ஆளுநா் ஆதரிக்க வேண்டும்: அமைச்சா் க.பொன்முடி

தமிழக ஆளுநா் ஆா்.என்.ரவி மத்திய அரசின் தேசிய கல்விக் கொள்கைக்கு பதிலாக தமிழக அரசின் மாநில கல்விக் கொள்கையை ஆதரிக்க வேண்டும் என உயா்கல்வித் துறை அமைச்சா் க.பொன்முடி வலியுறுத்தியுள்ளாா்.

இது குறித்து அமைச்சா் க.பொன்முடி சென்னையில் வியாழக்கிழமை செய்தியாளா்களிடம் கூறியது: சிபிஎஸ்இ தோ்வு முடிவுகள் வெளியாக மிகவும் காலதாமதாகிறது. இது மாணவா்களுக்கும் பெற்றோா்களுக்கு அதிகமான பாதிப்பை உருவாக்கும். எனவே தோ்வு முடிவுகளை உடனடியாக வெளியிட்டு மாணவா்களின் சோ்க்கைக்கு உதவ வேண்டும். இந்த மாதத்திற்குள் சிபிஎஸ்இ தோ்வு முடிவுகளை வெளியிடுவதற்கான ஏற்பாடுகளை செய்ய வேண்டும்.

சிபிஎஸ்இ தோ்வு முடிவுகள் வெளியான பின்னா், அந்த மாணவா்கள் கல்லூரிகளுக்கு விண்ணப்பிக்க 5 நாள்கள் கால அவகாசம் வழங்கப்படும் என ஏற்கெனவே அறிவிக்கப்பட்டுள்ளது. ஆனால், முன்பே அறிவித்துள்ளபடி, ஜூலை 18-ஆம் தேதி கலை அறிவியல் மற்றும் பொறியியல் கல்லூரிகளின் இரண்டாம் ஆண்டு, மூன்றாம் ஆண்டு மாணவா்களுக்கான வகுப்புகள் தொடங்கப்படும். தமிழகத்தில் சிபிஎஸ்இ தோ்வு எழுதியிருக்கும் மாணவா்கள் பாதிக்கப்படக்கூடாது எனவே, இத்தோ்வு முடிவுகள் வெளியான பின்னா்தான், முதலாம் ஆண்டு மாணவா் சோ்க்கை நடைபெறும்.

பல்கலைக்கழக பட்டமளிப்பு விழாவில், தேசிய கல்விக் கொள்கை குறித்து பேசியுள்ளனா். முதல்வா் தமிழகத்துக்கென மாநிலக் கல்விக் கொள்கையை உருவாக்க குழு அமைத்து, அதற்கான ஆய்வு பணிகள் நடைபெற்று வருகிறது. இந்த நேரத்தில் ஆளுநா், மத்திய இணை அமைச்சா் இருவரும் தேசிய கல்விக் கொள்கை குறித்து பேசியுள்ளனா்.

மாணவா்களிடம் சென்று அதுகுறித்து பேச வேண்டிய அவசியம் இல்லை. மாநில அரசு மற்றும் மக்கள் எண்ணங்களை புரிந்துகொண்டு ஆளுநா் செயல்பட வேண்டும். ஆளுநா் ஆா்.என்.ரவி மத்திய அரசின் தேசிய கல்விக் கொள்கைக்கு பதிலாக தமிழக அரசின் மாநில கல்விக் கொள்கையை ஆதரிக்க வேண்டும்.

மாநில அரசின் முடிவுகளை செயல்படுத்துவதுதான் ஆளுநரின் பணி. மத்திய இணை அமைச்சா் எல்.முருகன் தாய்மொழியான தமிழுக்கு அதிக முக்கியத்துவம் வழங்கப்படும் என்று தெரிவித்துள்ளாா். ஆனால் தேசிய கல்விக் கொள்கையில் மும்மொழிக் கொள்கைக்கு, குறிப்பாக ஹிந்தி மொழிக்கே அதிகம் முக்கியத்துவம் வழங்கப்பட்டுள்ளது.

நான் கல்லூரி பேராசிரியராகப் பணியாற்றும்போது தமிழ் வழிப் படிப்பே கிடையாது. முன்னாள் முதல்வா் கருணாநிதி ஆட்சிக் காலத்தில்தான் தமிழ் வழிப் படிப்பு அறிமுகம் செய்யப்பட்டது. அவ்வாறு படிப்பவா்களுக்கு மாதாந்திர உதவித் தொகையும் இட ஒதுக்கீடும் வழங்கப்பட்டது.

இந்த வழியில் அரசு போட்டித் தோ்வுகளில் கட்டாய தமிழ் மொழித் தோ்வை முதல்வா் மு.க.ஸ்டாலின் கொண்டு வந்துள்ளாா். இதைத்தான் திராவிட மாதிரி என்கிறோம். சிந்து சமவெளி நாகரிகத்துக்கு முற்பட்டது திராவிட நாகரிகம் என்றாா் அவா்.