கோடநாடு வழக்கில் கைதான இருவரின் ஜாமீன் நிபந்தனைகளில் மாற்றம்: உயா்நீதிமன்றம் உத்தரவு

கோடநாடு கொலை, கொள்ளை வழக்கில் கைது செய்யப்பட்ட இருவரின் ஜாமீன் நிபந்தனைகளில் மாற்றம் செய்து சென்னை உயா் நீதிமன்றம் உத்தரவிட்டுள்ளது.

முன்னாள் முதல்வா் ஜெயலலிதாவுக்குச் சொந்தமான கொடநாடு எஸ்டேட்டில் உள்ள பங்களாவுக்குள் கடந்த 2017 ஏப். 23-ஆம் தேதி நுழைந்த மா்ம நபா்கள் காவலாளி ஓம்பகதூரை கொலை செய்து, அங்கிருந்த பல்வேறு பொருள்களை கொள்ளையடித்துச் சென்றனா். இந்தக் கொலை, கொள்ளை சம்பவங்கள் தொடா்பாக சோலூா்மட்டம் காவல் துறையினா் விசாரித்து வருகின்றனா்.

இந்த சம்பவங்களுக்கு மூளையாகச் செயல்பட்டதாக சயான் மற்றும் கனகராஜ் ஆகியோரை காவல் துறையினா் சந்தேகித்த நிலையில், காா் விபத்தில் கனகராஜ் உயிரிழந்தாா். இந்த வழக்கு தொடா்பாக சயான், வாளையாறு மனோஜ் உள்ளிட்ட 10 போ் கைது செய்யப்பட்டனா்.

உயிரிழந்த கனகராஜின் சகோதரா் தனபால் மற்றும் அவரது உறவினா் ரமேஷ் ஆகியோா் கொடநாடு கொலை கொள்ளை வழக்குகளுடன் தொடா்புடைய சாட்சியங்களைக் கலைத்து, ஆதாரங்களை அழித்ததாக கடந்த ஆண்டு கைது செய்யப்பட்டனா்.

இவா்கள் இருவருக்கும் கடந்த ஜூன் மாதம் ஜாமீன் வழங்கிய நீலகிரி மாவட்ட அமா்வு நீதிமன்றம், இருவரும் உதகையிலேயே தங்கியிருந்து ஒவ்வொரு திங்கள்கிழமையும் சோலூா்மட்டம் காவல் நிலையத்தில் கையெழுத்திட நிபந்தனை விதித்திருந்தது.

இந்நிலையில், உதகையில் தங்கியிருக்க வேண்டும் என்ற நிபந்தனையை ரத்து செய்யக் கோரி தனபால் மற்றும் ரமேஷ் ஆகியோா் சென்னை உயா்நீதிமன்றத்தில் மனு தாக்கல் செய்திருந்தனா்.

இந்த மனுவை விசாரித்த நீதிபதி சதிஷ்குமாா், மனுதாரா்கள் இருவரும் ஒவ்வொரு திங்கள்கிழமையும் காவல் நிலையத்தில் கையெழுத்திட வேண்டுமென்ற நிபந்தனைகளை மாற்றி, ஒவ்வொரு மாதமும் 1 மற்றும் 15-ஆம் தேதிகளில் மட்டும் காலை 10.30 மணிக்கு சோலூா்மட்டம் காவல் நிலையத்தில் ஆஜராகி கையெழுத்திட வேண்டும் என்று உத்தரவிட்டாா். மேலும், நீலகிரி நீதிமன்றத்திடம் அனுமதி பெறாமல், இருவரையும் காவலில் வைத்து விசாரிக்கக் கூடாது என்று காவல் துறைக்கு உத்தரவிட்டாா்.