திமுக சார்பில் தமிழக முதல்வரின் 69-வது பிறந்த நாள் விழா

கும்மிடிப்பூண்டி: கும்மிடிப்பூண்டி மேற்கு ஒன்றிய திமுக சார்பில் கும்மிடிப்பூண்டி அடுத்த ஆரம்பாக்கம் மற்றும் நொச்சி குப்பத்தில் தமிழக முதல்வர் மு.க. ஸ்டாலினின் 69-வது பிறந்த நாள் விழா சிறப்பாக கொண்டாடப்பட்டது .

கும்மிடிப்பூண்டி மேற்கு ஒன்றிய திமுக செயலாளர் வழக்கறிஞர் மணிபாலன் தலைமையில் ஆரம்பாக்கத்தில் நடைபெற்ற தமிழக முதல்வர் மு.க. ஸ்டாலின் பிறந்த நாள் விழாவிற்கு மாவட்ட மாணவரணி அமைப்பாளர் ஆறுமுகம், ஊராட்சி செயலாளர் மனோகரன், திமுக முன்னாள் ஒன்றிய கவுன்சிலர் அங்கமுத்து, சேகர், செல்வம், ஏழுமலை, அங்கமுத்து, ஷேக், பாபுலா முன்னிலை வகித்தனர்.

தொடர்ந்து திமுக கட்சி கொடியை ஏற்றிய ஒன்றிய செயலாளர் மு. மணிபாலன் பொதுமக்களுக்கு இனிப்புகள் வழங்கினார்.

திருவள்ளூர் கிழக்கு மாவட்ட மீனவர் அணி அமைப்பாளர் கே.ஆறுமுகம் தலைமையில் நடைபெற்ற விழாவில் கும்மிடிப்பூண்டி மேற்கு ஒன்றிய செயலாளர் மு.மணிபாலன், கஜேந்திரன், ராஜி, அங்கமுத்து, மனோகரன் உள்ளிட்ட திமுகவினர் பங்கேற்று 500-க்கும் மேற்பட்ட மாணவ மாணவிகளுக்கு உணவு மற்றும் இனிப்புகள் வழங்கி தமிழக முதல்வர் மு.க. ஸ்டாலின் பிறந்த நாள் விழாவை கொண்டாடினர் .