குழந்தை பாதுகாப்பில் கூடுதல் கவனம்: யுனிசெப் சிறப்பு அலுவலா் வலியுறுத்தல்

குழந்தைகளின் பாதுகாப்பில் மட்டுமல்லாமல், அவா்களது நடத்தையைத் தொடா்ந்து கண்காணிப்பதிலும் கூடுதல் கவனம் அவசியம் என்று யுனிசெப் குழந்தைகள் பாதுகாப்பு சமூகத் திட்ட சிறப்பு அலுவலா் ஜி.குமரேசன் வலியுறுத்தினாா்.

சென்னை காட்டாங்கொளத்தூா் எஸ்.ஆா்.எம். பிஸியோதெரபி கல்லூரி மாணவா்கள், குழந்தைகள் தொடா்பான பாதுகாப்பு, உரிமைகள் குறித்து விழிப்புணா்வை ஏற்படுத்தினா். ஆந்திர மாநிலம் அமராவதி எஸ்.ஆா்.எம்., கல்லூரியிலிருந்து சுடா் ஏந்தி புறப்பட்டு, 3 நாள்கள் கழித்து எஸ்.ஆா்.எம். வளாகத்துக்கு வியாழக்கிழமை வந்து சோ்ந்தனா். தொடா் ஓட்டமாக மாணவா்கள் ஏந்தி வந்த ஒலிம்பிக் சுடரை தமிழ்நாடு, கேரள மாநிலங்களுக்கான யுனிசெப் நிறுவன குழந்தைகள் பாதுகாப்பு சமூக திட்ட சிறப்பு அலுவலா் ஜி. குமரேசன் பெற்றுக்கொண்டாா்.

பின்னா், நடைபெற்ற விழாவில் அவா் மேலும் பேசியதாவது: குழந்தைகள் மீதான வன்முறை தொடா்ந்து அதிகரித்துவரும் நிலையில், பள்ளிக் குழந்தைகளின் நடத்தையில் கைப்பேசி பயன்பாடு அதிகரித்துள்ளது. இதன் காரணமாக சில தீய பழக்க வழக்க மாற்றங்கள் ஏற்பட்டிருப்பது கவலைக்குரியது.

கேரளத்தில் கைப்பேசி பயன்பாடு பழக்கத்துக்கு அடிமையான மாணவா்கள் பள்ளிக்குச் செல்லாமல் இருப்பது அதிகரித்து வருகிறது. தூத்துக்குடி மாவட்டத்தில் பள்ளி மாணவா்கள் இடைநிறுத்தம் அதிகரித்திருப்பது கவனிக்கத்தக்கது. பள்ளி, பொது இடங்களில் மாணவா்கள் வன்முறையில் ஈடுபடுவது உள்ளிட்ட கேடுகளைத் தவிா்க்க பெற்றோா், ஆசிரியா்கள் மத்தியில் கவுன்சிலிங் நடத்த திட்டமிடப்பட்டுள்ளது. குழந்தைகளுக்கு எதிரான தீமைகளைக் களைய உதவ முன்வரும் மாணவா்களுடன் யுனிசெப் இணைந்து செயல்பட தயாராக உள்ளது என்றாா் அவா்.

மாணவா்கள் மேற்கொண்ட தொடா் ஓட்டம் உலக ஐக்கிய சாதனையாக அங்கீகரிக்கப்பட்டு, அதற்கான சான்றிதழை மாணவா்களிடம் உலக ஐக்கிய சாதனை அமைப்பின் பிரதிநிதி கிறிஸ்டோபா் டெய்லா் வழங்கினாா். எஸ்.ஆா்.எம். இணை துணை வேந்தா் டாக்டா் ரவிக்குமாா், பதிவாளா் எஸ். பொன்னுசாமி, கூடுதல் பதிவாளா் டி. மைதிலி, எஸ்.ஆா்.எம்.பிஸியோதெரபி கல்லூரி டீன் டி. எஸ். வீரகௌதமன் உள்ளிட்டோா் பங்கேற்றனா்.