சேலத்தில் நடிகர் விஜய் நடித்த பீஸ்ட் திரைப்படம் வெளியானதையடுத்து ரசிகர்கள் பட்டாசு வெடித்து இனிப்புகள் வழங்கி உற்சாகமாக கொண்டாடினர்.
ரசிகர்களால் மிகவும் எதிர்பார்க்கப்பட்ட நடிகர் விஜய் நடித்து வெளிவந்த பீட்ஸ் திரைப்படம் இன்று தமிழகம் முழுவதும் திரையிடப்பட்டு உள்ளது. சேலம் மாவட்டத்தில் மொத்தம் 11 இடங்களில் இந்த திரைப்படம் இன்று திரைக்கு வந்துள்ளது. சேலம் 5 ரோடு பகுதியில் உள்ள ஏ. ஆர். ஆர். எஸ் மல்டிபிளக்ஸ் திரையரங்கின் ஐந்து திரையரங்குகளிலும் பீட்ஸ் திரைப்படம் இன்று புதன்கிழமை அதிகாலை திரையிடப்பட்டது.
சேலம் ஏ. ஆர். ஆர். எஸ் மல்டிபிளக்ஸ் திரையரங்கில் பீஸ்ட் திரைப்படம்.
நடிகர் விஜய் நடித்து வெளிவந்த திரைப்படம் இன்று வெளியாவதை யொட்டி இரவு முதலே ரசிகர்கள் தியேட்டர்கள் முன்பு குவியத் தொடங்கினர். அதிகாலை 3 மணிக்கு முதல் காட்சி தொடங்கியதும் தியேட்டர் முன்பு காத்திருந்த ரசிகர்கள் பட்டாசு வெடித்தும் இனிப்புகள் வழங்கியும் தங்கள் மகிழ்ச்சியை வெளிப்படுத்தினர்.
மேலும் தியேட்டருக்குள் நடிகர் விஜய் படம் திரையிட்டபோது ரசிகர்கள் எழுப்பிய கரகோஷம் விண்ணை பிளந்தது விஜய் வரும் ஒவ்வொரு சீனிலும் ரசிகர்கள் தங்கள் உற்சாகத்தை வெளிப்படுத்தினர்.
சேலத்தில் பட்டாசு வெடித்து தங்கள் மகிழ்ச்சியை வெளிப்படுத்திய விஜய் ரசிகர்கள்.
இதேபோல் சேலம் மாவட்டத்தில் பல்வேறு பகுதிகளில் இன்று விஜய் நடித்து வெளிவந்த பீட்ஸ் திரைப்படம் வெளியாகி ரசிகர்களை உற்சாகத்தில் ஆழ்த்தியுள்ளது.
நீண்ட நாள்களுக்குப் பிறகு விஜய் படம் வெளியான மகிழ்ச்சியில் ரசிகர்கள் ஆங்காங்கே தங்களது மகிழ்ச்சியை பகிரும் வகையில் கேக் வெட்டி இணைப்பில் வழங்கி கொண்டாடி வருகின்றனர்.