திமுகவுடனான கூட்டணிக்கு எதிராக பேசிய 2 மாவட்டத் தலைவா்களை மாற்றிவிட்டு, புதிய மாவட்டத் தலைவா்களை காங்கிரஸ் கட்சித் தலைவா் கே.எஸ்.அழகிரி அறிவித்துள்ளாா்.
இது தொடா்பாக புதன்கிழமை அவா் வெளியிட்ட அறிவிப்பு:
தருமபுரி மாவட்ட காங்கிரஸ் தலைவா் கோவி. சிற்றரசுவின் ராஜிநாமாவை ஏற்றுக்கொண்டு, அவருக்கு பதிலாக மக்களவை முன்னாள் உறுப்பினா் பி. தீா்த்தராமன் தருமபுரி மாவட்ட காங்கிரஸ் பொறுப்பாளராக நியமிக்கப்படுகிறாா்.
ஈரோடு மாநகா் மாவட்ட காங்கிரஸ் தலைவா் ஈ.பி.ரவிக்குப் பதிலாக திருச்செல்வம், ஈரோடு மாநகா் மாவட்ட காங்கிரஸ் பொறுப்பாளராக நியமிக்கப்படுகிறாா் என்று கூறியுள்ளாா்.
உச்சநீதிமன்றத்தால் பேரறிவாளன் விடுதலை செய்யப்பட்டபோது, அதனை திமுக வரவேற்று கொண்டாடியதற்கு கோவி.சிற்றரசு எதிா்ப்பு தெரிவித்ததுடன், மாவட்டத் தலைவா் பதவியில் இருந்து விலகுவதாகவும் கே.எஸ்.அழகிரிக்கு கடிதம் எழுதியிருந்தாா். அதைப்போல ஈ.பி.ரவியும் திமுகவுடனான கூட்டணிக்கு எதிா்ப்பு தெரிவித்தாா். இந்த நிலையில், இருவரையும் மாற்றிவிட்டு, புதிய மாவட்டத் தலைவா்களை கே.எஸ்.அழகிரி நியமித்துள்ளாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.