விமான நிலையம் - கிளாம்பாக்கம் வரை மெட்ரோ சேவை நீட்டிப்பு!

மீனம்பாக்கம் விமான நிலையம் முதல் கிளாம்பாக்கம் பேருந்து நிலையம் வரை மெட்ரோ ரயில் நீட்டிக்க தமிழக அரசு ஒப்புதல் அளித்துள்ளது. 

சென்னை மெட்ரோ ரெயிலின் 2ம் கட்ட திட்ட பணிகள் தீவிரமாக நடைபெற்று வருகிறது. 3 வழித்தடங்களில் சுரங்கப்பாதை, உயர்மட்டபாதை, மெட்ரோ ரயில் நிலையங்கள் அமைக்கும் பணி பல்வேறு இடங்களில் நடைபெற்று வருகின்றன. 

கிளாம்பாக்கம் வரை 15 கி.மீ நீளம் மற்றும் 12 உயர்மட்ட ரயில் நிலையத்துடன் ரயில் பாதை அமைக்க ரூ.4,625 கோடி ஒதுக்கீடு செய்யப்பட்டுள்ளதாக தகவல் தெரிவிக்கப்பட்டுள்ளது. 

மேலும், கோவை, மதுரை, திருச்சி, நெல்லை, ஒசூரிலும் மெட்ரோ ரயில் திட்டத்தை செயல்படுத்த விவாதிக்கப்பட்டதாகவும் தகவல் தெரிவிக்கப்பட்டுள்ளது.