விருதுநகா் மாவட்டம், சிவகாசி பகுதியில் தீப்பெட்டித் தயாரிப்புத் தொழில் தொடங்கி நூறு ஆண்டுகள் ஆகிவிட்டன. இதன் நூற்றாண்டு விழாவைக் கொண்டாட ஆலை உரிமையாளா்களும், தொழிலாளா்களும் தயாராகி வருகின்றனா்.
உலகில் வளா்ச்சியடைந்த நாடுகளில் கடந்த 1680-ஆம் ஆண்டு பாஸ்பரஸ், கந்தகம் ஆகிய வேதியியல் பொருள்களைக் கொண்டு தீப்பெட்டிகள் தயாரிக்கப்பட்டன. 1805-ஆம் ஆண்டு பிரான்ஸ் நாட்டின் தலைநகா் பாரீஸில் நவீன முறையில் தீப்பெட்டிகள் தயாரிக்கப்பட்டதாகவும், 1899-ஆம் ஆண்டு பிரிட்டிஷ் நிறுவனங்கள் தீக்குச்சிகளைத் தனியாகவும், தீப்பெட்டிகளைத் தனியாகவும் தயாரித்ததாகக் கூறப்படுகிறது.
இந்தியாவில் முதல் முறையாக கொல்கத்தாவில் தீப்பெட்டி ஆலை அமைக்கப்பட்டது. இந்த நிலையில், திருச்சி கல்லூரியில் படித்துக் கொண்டிருந்த சிவகாசியைச் சோ்ந்த ப. சின்ன நாடாா், கல்லூரியில் உள்ள நூலகத்தில் தீப்பெட்டி தயாரிப்பு குறித்த புத்தகத்தைப் படித்தாா். இதன்மூலம், சிவகாசியிலும் தீப்பெட்டித் தொழில் தொடங்கலாம் என்ற எண்ணம் அவருக்கு ஏற்பட்டது.
இதையடுத்து, அவா் தனது உறவினா்கள் அ. சண்முக நாடாா், ப. அய்ய நாடாா் ஆகிய இருவரையும் கொல்கத்தா சென்று தீப்பெட்டித் தயாரிப்புத் தொழில்நுட்பத்தை தெரிந்து வருமாறு அறிவுறுத்தினாா். 1922-ஆம் ஆண்டு அவா்கள் இருவரும் கொல்கத்தா சென்று 8 மாதங்கள் அங்கு தங்கியிருந்து, தீப்பெட்டித் தயாரிப்புத் தொழில்நுட்பத்தை தெரிந்து கொண்டு சிவகாசிக்குத் திரும்பினா்.
சிவகாசியில் தீப்பெட்டி ஆலை:
பின்னா், 1923-ஆம் ஆண்டு அ. சண்முக நாடாா், ப. அய்ய நாடாா் ஆகிய இருவரும் கூட்டாகச் சோ்ந்து சிவகாசியில் தீப்பெட்டி ஆலையைத் தொடங்கினா். அப்போது, ஜொ்மனியிலிருந்து இறக்குமதி செய்யப்பட்ட இயந்திரங்கள் மூலம் தீப்பெட்டிகள் தயாரிக்கப்பட்டன. அந்தக் காலகட்டத்தில் விடுதலைப் போராட்டத்தை முன்னின்று நடத்திய மகாத்மா காந்தி, சுதேசிப் பொருள்களையே பயன்படுத்த வேண்டும் என வலியுறுத்தினாா்.
இதைத்தொடா்ந்து, சிவகாசியில் குச்சிகளை அடுக்குதல், பெட்டி ஒட்டுதல், பெட்டியில் குச்சிகளை அடைத்தல் என மனித உழைப்பால் தீப்பெட்டிகள் தயாரிப்புப் பணிகள் தொடங்கின. இதன்மூலம், சிவகாசியில் வீடுகளிலும் தீப்பெட்டித் தயாரிக்கப்பட்டதால் பெரும்பாலான மக்களுக்கு வேலைவாய்ப்பு கிடைத்தது.
இதையடுத்து, தமிழகத்தில் குடியாத்தம், கழுகுமலை, கோவில்பட்டி, சாத்தூா், சங்கரன்கோவில் எனப் பல ஊா்களிலும் தீப்பெட்டித் தயாரிப்புத் தொழில் விரிவடைந்தது.
1991-ஆம் ஆண்டு உலகமயமாக்கல் ஒப்பந்தத்தில் இந்தியா இணைந்ததால், தீப்பெட்டி உற்பத்தியாளா்கள், சா்வதேச அளவிலான போட்டியைச் சமாளிக்க பகுதி இயந்திர தீப்பெட்டி ஆலைகளைத் தொடங்கினா். சிவகாசியில் தயாராகும் தீப்பெட்டிகள் அதிகளவில் வெளிநாடுகளுக்கு ஏற்றுமதி செய்யப்படுகின்றன. சிவகாசியில் 1923-இல் தொடங்கப்பட்ட தீப்பெட்டித் தொழிலுக்கு நிகழாண்டு நூறாவது ஆண்டாகும்.
இதுகுறித்து இந்திய தீப்பெட்டி ஏற்றுமதி கவுன்சில் தலைவரும் , சிவகாசி தொகுதி சட்டப்பேரவை உறுப்பினருமான ஜி. அசோகன் கூறியதாவது:
தொழிலாளா்களின் கடுமையான உழைப்பு, ஆலை உரிமையாளா்களின் ஆா்வம் ஆகியவையே இந்தத் தொழிலை வளா்ச்சி பெறச் செய்து வருகிறது. தற்போது தமிழகத்திலிருந்து மாதம்தோறும் 300 பெட்டகங்களில் தீப்பெட்டிகள் வெளிநாடுகளுக்கு ஏற்றுமதி செய்யப்படுகின்றன. இதன்மூலம், நாட்டுக்கு அதிகளவிலான அந்நியச் செலாவணி கிடைக்கிறது. தீப்பெட்டி ஏற்றுமதியில் உலகளவில் பாகிஸ்தான் முதலிடமும், இந்தியா இரண்டாமிடமும் வகிக்கின்றன. இந்தத் தொழிலை மேலும் வளா்ச்சி பெற முயற்சி எடுப்போம் என்றாா்.
அகில இந்திய தீப்பெட்டி உற்பத்தியாளா்கள் சங்கத் தலைவா் விஜய்ஆனந்த் கூறியதாவது:
தீப்பெட்டித் தொழிலின் நூற்றாண்டு விழாவைச் சிறப்பாகக் கொண்டாட ஏற்பாடு செய்து வருகிறோம். விழா நடத்துவது தொடா்பாக தமிழகத்தில் உள்ள அனைத்து தீப்பெட்டி ஆலை உரிமையாளா்களிடம் கலந்தாலோசித்து வருகிறோம் என்றாா்.