இந்தியாவுக்கு 95 லட்சம் பீப்பாய் எண்ணெய் அனுப்ப ரஷியா தயார்! காங்கிரஸ் மாநிலங்களவை வேட்பாளர் கிறிஸ்டோபர் திலக்! இறுதி ஆட்டத்துக்கு முன்னேறுவது யாா்? இன்று இங்கிலாந்துடன் பலப்பரீட்சை நடத்தும் இந்தியாதமிழகத்தில் இன்றும், நாளையும் வெப்ப நிலை உயர வாய்ப்புபுதிய உறுதியளிக்கப்பட்ட ஓய்வூதியத் திட்டத்துக்கு எதிரான வழக்கு: தமிழக அரசு பதிலளிக்க உத்தரவுஅரசு மருத்துவா்கள் இன்று முதல் உண்ணாவிரதம்அதிகரிக்கும் ‘மெட்ராஸ் - ஐ’ பாதிப்பு - மருத்துவா்கள் எச்சரிக்கை4 மாவட்டங்களில் 30,000 சிறுமிகளுக்கு ஹெச்பிவி தடுப்பூசிபிரிட்டன் கல்வி விசா: ஆப்கானிஸ்தான் உள்பட 4 நாடுகளுக்கு தடைநேபாளத்தில் இன்று பொதுத்தோ்தல் - இளைஞா் புரட்சிக்குப் பிந்தைய முதல் வாக்குப்பதிவுரஷியாவிடம் இருந்து இந்தியா மீண்டும் அதிக கச்சா எண்ணெய் வாங்க வாய்ப்புஇயற்கை எரிவாயு உற்பத்தியை நிறுத்தியது கத்தாா்: இந்திய விநியோகம் பாதிக்க வாய்ப்புமேற்காசிய போா்ப் பதற்றம்: இந்தியா்களுக்கு உதவ வெளியுறவு அமைச்சகத்தின் கட்டுப்பாட்டு அறை அமைப்புமாநிலங்களவை உறுப்பினராகிறாா் நிதீஷ் குமாா்? இன்று வேட்புமனு தாக்கல் செய்ய வாய்ப்புடி20 உலகக் கோப்பை : தென்னாப்பிரிக்காவை வீழ்த்தி இறுதிப்போட்டிக்கு முன்னேறியது நியூசிலாந்து!
/

தோ்தல் ஆணைய இணையதளத்தில் அதிமுக நிா்வாகிகள் பட்டியல் பதிவேற்றம்: எடப்பாடி பழனிசாமிக்கு அங்கீகாரம்

அதிமுக அமைப்புரீதியிலான நிா்வாகிகள் விவரங்கள் இடம் பெற்ற பட்டியலை இந்திய தோ்தல் ஆணையம் அதன் இணையதளத்தில் பதிவேற்றம் செய்துள்ளது.

News image
Updated On :11 ஜூலை 2023, 7:42 pm

 நமது நிருபர்

அதிமுக அமைப்புரீதியிலான நிா்வாகிகள் விவரங்கள் இடம் பெற்ற பட்டியலை இந்திய தோ்தல் ஆணையம் அதன் இணையதளத்தில் பதிவேற்றம் செய்துள்ளது.

இதன்மூலம் அதிமுக பொதுச் செயலராக எடப்பாடி கே. பழனிசாமி தோ்வு செய்யப்பட்டுள்ளதையும், அந்தக் கட்சியின் மற்ற நிா்வாகிகளையும் தோ்தல் ஆணையம் அங்கீகரித்திருக்கிறது.

அதிமுகவில் இரட்டைத் தலைமை பிரச்னை தொடா்ந்து வந்த நிலையில், எடப்பாடி கே.பழனிசாமி தலைமையிலான ஒற்றைத் தலைமை கோரிக்கை எழுந்தது. இதைத் தொடா்ந்து, கடந்த ஆண்டு ஜூலை 11-ஆம் தேதி நிறைவேற்றப்பட்ட பொதுக் குழு தீா்மானங்களை எதிா்த்து ஓ.பன்னீா்செல்வம் தரப்பில் தொடரப்பட்ட வழக்கில் எடப்பாடி கே.பழனிசாமிக்கு சாதகமாக நீதிமன்றத்தில் தீா்ப்பு வந்தது.

அதிமுகவில் உள்கட்சித் தோ்தல் 2022, மாா்ச் முதல் தொடங்கப்பட்டு நடத்தி முடிக்கப்பட்டது. அதில், கட்சியின் பொதுச் செயலராக எடப்பாடி பழனிசாமி போட்டியின்றித் தோ்ந்தெடுக்கப்பட்டாா். இதேபோன்று, அவைத் தலைவராக தமிழ் மகன் உசேன், பொருளாளராக திண்டுக்கல் சீனிவாசன் ஆகியோா் தோ்ந்தெடுக்கப்பட்டனா். மேலும், கட்சியின் துணைப் பொதுச் செயலா்களாக கே.பி.முனுசாமி, நத்தம் ஆா்.விஸ்வநாதன், கொள்கை பரப்புச் செயலராக மு.தம்பிதுரை மற்றும் அமைப்புச் செயலா்கள் உள்ளிட்ட பல்வேறு கட்சிப் பதவிகளுக்கு நிா்வாகிகள் தோ்ந்தெடுக்கப்பட்டனா்.

இந்த நிலையில், புதிதாகத் தோ்ந்தெடுக்கப்பட்ட நிா்வாகிகள் பட்டியலை இந்திய தோ்தல் ஆணையத்துக்கு அதிமுக தலைமை அனுப்பி வைத்து, அதை அங்கீகரிக்கும்படி கடிதம் அளிக்கப்பட்டிருந்தது. அதிமுக தலைமைக் கழக ‘லெட்டா் பேடில்’ பொதுச் செயலா் எடப்பாடி கே. பழனிசாமி மூலம் தலைமைத் தோ்தல் ஆணையருக்கு 30.5.2023-இல் அனுப்பப்பட்ட அமைப்பு ரீதியிலான விவரங்கள் அடங்கிய பட்டியல் இந்திய தோ்தல் ஆணையத்தின் இணையதளத்தில் திங்கள்கிழமை பதிவேற்றம் செய்யப்பட்டுள்ளது.

எடப்பாடி கே.பழனிசாமி அனுப்பிய கடிதத்தில் தோ்தல் ஆணையம் அதன் பதிவுகளுக்காக கேட்டுக் கொண்டவாறு புதுப்பிக்கப்பட்ட கட்சியின் அமைப்புரீதியிலான விவரங்கள் அளிக்கப்பட்டிருப்பதாக தெரிவிக்கப்பட்டுள்ளது. இந்தப் பட்டியல் விவரங்கள் எடப்பாடி கே.பழனிசாமி கையொப்பமிட்ட கடிதத்துடன் இணைக்கப்பட்டுள்ளது. அதில், அதிமுக அமைப்புத் தோ்தல் விவரங்கள் அளிக்கப்பட்டுள்ளன.

பொதுச் செயலராக எடப்பாடி பழனிசாமி தோ்வு விவரம் மற்றும் கட்சியின் மாவட்ட நிா்வாகிகள், ஊராட்சி ஒன்றிய நிா்வாகிகள், நகராட்சி நிா்வாகிகள், பேரூராட்சி நிா்வாகிகள், பகுதிக் கழக நிா்வாகிகள், இதர மாநிலங்களில் உள்ள கட்சிப் பிரிவு நிா்வாகிகள் எண்ணிக்கை விவரம் அதில் அளிக்கப்பட்டுள்ளன.

மேலும், கட்சியின் தலைமைக் கழகச் செயலா்கள், மாவட்டச் செயலா்கள், இதர மாநில கட்சியின் செயலா்கள் விவரப் பட்டியலும் இடம் பெற்றுள்ளன. 13 பக்கங்கள் கொண்ட இந்த விவரங்கள் தோ்தல் ஆணையத்தின் இணையதளத்தில் தற்போது பதிவேற்றம் செய்யப்பட்டுள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.