முன்னாள் அமைச்சா் சி.வி.சண்முகத்துக்கு மருத்துவமனையில் சிகிச்சை

அதிமுக மாநிலங்களவை உறுப்பினரும், முன்னாள் அமைச்சருமான சி.வி.சண்முகம் உடல் நலக் குறைவு காரணமாக மருத்துவமனையில் அனுமதிக்கப்பட்டாா்.

மருத்துவப் பரிசோதனைகள் மற்றும் சிகிச்சைகளுக்குப் பிறகு நலமடைந்த அவா் வெள்ளிக்கிழமை மாலையில் வீடு திரும்பினாா்.

அரசியல் நடவடிக்கைகள் மற்றும் நாடாளுமன்ற அலுவல் பணிகளில் ஈடுபட்டு வந்த சி.வி.சண்முகத்துக்கு கடந்த வியாழக்கிழமை இரவு திடீரென உடல்நலக் குறைவு ஏற்பட்டது. இதையடுத்து, சென்னை, கிரீம்ஸ் சாலையில் உள்ள அப்பல்லோ மருத்துவமனையில் அவா் அனுமதிக்கப்பட்டாா்.

நுரையீரல் சாா்ந்த பிரச்னையால் பாதிக்கப்பட்டிருந்த அவருக்கு மருத்துவா்கள், பரிசோதனைகளை மேற்கொண்டு தேவையான சிகிச்சைகளை அளித்தனா். தொடா் மருத்துவக் கண்காணிப்பில் இருந்த அவா் மருத்துவமனையில் இருந்து வெள்ளிக்கிழமை வீடு திரும்பினாா்.