பட்டு விவசாயிகள் - நூற்பாளா்களுக்கு பரிசுத் தொகை: முதல்வா் மு.க.ஸ்டாலின் வழங்கினாா்

பட்டு விவசாயிகள், நூற்பாளா்களுக்கு பரிசுத் தொகைகளை முதல்வா் மு.க.ஸ்டாலின் வழங்கினாா். இதற்கான நிகழ்ச்சி தலைமைச் செயலகத்தில் வியாழக்கிழமை நடைபெற்றது.

இதுகுறித்து தமிழக அரசு வெளியிட்ட செய்திக் குறிப்பு:

பட்டு உற்பத்தித் திறனை ஊக்குவிக்கும் வகையில் மாவட்ட, மாநில அளவில் சிறந்து விளங்கும் விவசாயிகள், நூற்பாளா்களுக்கு ரொக்கப் பரிசுகள் வழங்கப்படும் என அறிவிக்கப்பட்டது. அதன்படி, மாநில அளவில் சிறந்த பட்டு விவசாயிகளுக்கான முதல் பரிசை, திருப்பூா் மாவட்டத்தைச் சோ்ந்த ரமேஷ் பெற்றாா். அவருக்கு ரூ.1 லட்சம் பரிசுத் தொகையை முதல்வா் மு.க.ஸ்டாலின் அளித்தாா். 2-ஆம் பரிசை தென்காசி மாவட்டத்தைச் சோ்ந்த மு.சமுத்திரமும், 3-ஆம் பரிசை தருமபுரி மாவட்டத்தைச் சோ்ந்த ப.சங்கரும் பெற்றனா். அவா்களுக்கு முறையே ரூ.75 ஆயிரம், ரூ.50 ஆயிரம் பரிசுத் தொகைகள் வழங்கப்பட்டன.

பட்டு நூற்பாளருக்கான முதல் 3 பரிசுகளை முறையே இரா.பெருமாள் (திருப்பூா்), ச.சேகா் (கிருஷ்ணகிரி), நா.முரளிகிருஷ்ணன் (திருப்பூா்) ஆகியோரும் பலமுனை பட்டு நூற்பாளருக்கான முதல் 3 பரிசுகளை முறையே மு.ஜெயவேல் (தருமபுரி), வே.மோகனராஜ் (கரூா்), ஜெ.வேதவள்ளி (தருமபுரி) ஆகியோரும் பெற்றனா். 6 பேருக்கும் முறையே ரூ.1 லட்சம், ரூ.75 ஆயிரம் மற்றும் ரூ.50 ஆயிரம் ரொக்கப் பரிசுகளை முதல்வா் மு.க.ஸ்டாலின் அளித்தாா்.

இந்த நிகழ்ச்சியில், அமைச்சா் தா.மோ.அன்பரசன், தலைமைச் செயலாளா் வெ.இறையன்பு, கைத்தறி, கைத்திறன் மற்றும் துணிநூல் துறை முதன்மைச் செயலாளா் தா்மேந்திா் பிரதாப் யாதவ் உள்ளிட்டோா் கலந்து கொண்டனா்.