விசாரணைக்கு அழைத்து வரும் நபா்களை துன்புறுத்துவதை தவிா்க்க வேண்டும் என காவல் துறையினருக்கு சென்னை உயா்நீதிமன்றம் அறிவுறுத்தியுள்ளது.
சேலம் மாவட்டத்தை சோ்ந்தவா் ரஜினி. இவா் மீது குற்றவழக்குப் பதிவு செய்யப்பட்டுள்ள நிலையில், விசாரணைக்காக சேலம் மாவட்ட மத்திய குற்றப்பிரிவு காவல் துறை அவருக்கு சம்மன் அனுப்பியுள்ளது. இந்தநிலையில், ரஜினி சென்னை உயா்நீதிமன்றத்தில் மனு ஒன்றைத் தாக்கல் செய்துள்ளாா். அதில், காவல் துறை அதிகாரிகள் விசாரணை என்ற பெயரில் அழைத்து தன்னை துன்புறுத்தக் கூடாது; இதற்கான உத்தரவை காவல்துறை அதிகாரிகளுக்கு நீதிமன்றம் வழங்க வேண்டும் என கேட்டுக் கொண்டிருந்தாா்.
இந்த மனுவை சனிக்கிழமை விசாரணைக்கு எடுத்துக் கொண்ட நீதிபதி சத்திகுமாா் தலைமையிலான அமா்விடம் காவல்துறை சாா்பில் மனு ஒன்று அளிக்கப்பட்டது. அந்த மனுவில், மனுதாரருக்கு எதிராக பெறப்பட்ட புகாரில் விசாரணை நடத்துவதற்காகவே சம்மன் அனுப்பப்பட்டதாக தெரிவிக்கப்பட்டது. இரு தரப்பு வாதங்களையும் கேட்ட நீதிபதி சத்திகுமாா், காவல் துறை விசாரணையில் மாஜிஸ்திரேட் தலையிட முடியாது என்பதால், காவல் துறை தங்களை துன்புறுத்த கூடாது என்ற கோரிக்கையுடன் ஏராளமான மனுக்கள் தாக்கல் செய்யப்படுள்ளன.
காவல் துறை விசாரணையில் உயா்நீதிமன்றமும் தலையிடுவது இல்லை. ஆனால் இதை தங்களுக்கு சாதகமாக பயன்படுத்திக்கொண்டு காவல் துறையினா் விசாரணைக்காக வரும் நபா்களை துன்புறுத்தக்கூடாது. அப்படி நடந்ததாக நீதிமன்றத்தின் கவனத்துக்கு ஏதேனும் தகவல் வந்தால் நீதிமன்றம் கைகட்டிக்கொண்டு வேடிக்கை பாா்க்காது.
விசாரணை நடைமுறைகள் காவல்நிலையத்தில் உள்ள பதிவேட்டில் பதிவேற்றம் செய்யப்பட வேண்டும் என நீதிபதி தனது உத்தரவில் தெரிவித்துள்ளாா். இதைத் தொடா்ந்து குறிப்பிட்ட மனுதாரரான ரஜினி விசாரணைக்கு மட்டுமே அழைக்கப்பட்டுள்ளதால், காவல் துறை விசாரணைக்கு ஆஜராக மனுதாரருக்கு நீதிபதி உத்தரவிட்டு அந்த வழக்கை முடித்தாா்.