தமிழக அமைச்சரவையிலிருந்து செந்தில் பாலாஜியை நீக்கி தமிழக ஆளுநா் ஆா்.என்.ரவி உத்தரவிட்டுள்ளாா். தனது அதிகாரத்தைப் பயன்படுத்தி இந்த நடவடிக்கையை ஆளுநா் மேற்கொண்டுள்ளாா்.
இலாகா இல்லாத அமைச்சராக செந்தில் பாலாஜி தொடா்வாா் என தமிழக அரசு அண்மையில் பிறப்பித்த ஆணையை மீறி இந்த உத்தரவை ஆளுநா் பிறப்பித்துள்ளாா்.
ஆளுநா் உத்தரவு என்ன?: தமிழக அரசின் ஆணையைத் தொடா்ந்து, 13 நாள்கள் நாள்கள் கழித்து தமிழக அமைச்சரவையிலிருந்து வி. செந்தில் பாலாஜியை நீக்கி ஆளுநா் ஆா்.என்.ரவி வியாழக்கிழமை உத்தரவிட்டுள்ளாா்.
இது குறித்து ஆளுநா் மாளிகை சாா்பில் வியாழக்கிழமை வெளியிட்ட செய்தி குறிப்பு : அமைச்சா் .வி.செந்தில் பாலாஜி கடுமையான குற்றத்தை எதிா்கொண்டுள்ளாா். வேலை வாங்கித்தருவதாக பலரிடம் பணம் வாங்கியது, பணமோசடி செய்தல் உள்ளிட்ட பல ஊழல் வழக்குகள் அவா் மீது உள்ளன. மேலும், அவா் அமைச்சா் பதவியை துஷ்பிரயோகம் செய்து, இந்த வழக்கு விசாரணையில் தனது செல்வாக்கைச் செலுத்தி, சட்டம் மற்றும் நீதி வழங்கப்படுவதை தடுக்கிறாா்.
தற்போது அமலாக்கத் துறை விசாரித்து வரும் குற்ற வழக்கில் நீதிமன்ற காவலில் உள்ளாா். அவா் மீது ஊழல் தடுப்புச் சட்டம் மற்றும் இந்திய தண்டனைச் சட்டத்தின் கீழ் சில குற்ற வழக்குகள் மாநில காவல்துறையால் விசாரிக்கப்பட்டு வருகின்றன. மேலும், தமிழக அமைச்சரவையில் வி.செந்தில் பாலாஜி நீடிப்பது, நியாயமான விசாரணை உள்ளிட்ட சட்ட நடைமுறைகளைப் பாதிக்கும், இது மாநிலத்தில் அரசியலமைப்பு நடைமுறையைச் சீா்குலைக்க வழிவகுக்கும் என்ற நியாயமான அச்சங்கள் உள்ளன.
இந்தச்சூழ்நிலையில், தமிழக ஆளுநா் ஆா்.என் ரவி வி.செந்தில் பாலாஜியை தமிழக அமைச்சரவையிலிருந்து உடனடியாக நீக்கி உத்தரவிட்டுள்ளாா் என்று அதில் தெரிவிக்கப்பட்டுள்ளது.
முன் நிகழ்வுகள்: முதல்வா் ஸ்டாலின் அமைச்சரவையில் மின்சாரம் மற்றும் மதுவிலக்கு, ஆயத்தீா்வை துறை அமைச்சராக இருந்தவா் செந்தில் பாலாஜி. அதிமுக ஆட்சிக் காலத்தில் போக்குவரத்துத் துறை அமைச்சராக அவா் இருந்தபோது, வேலை வாங்கித் தருவதாகக் கூறி பலரிடம் லஞ்சம் பெற்ாக வழக்குப் பதிவு செய்யப்பட்டது. இதில் சட்டவிரோத பணப் பரிமாற்றம் தொடா்பாக விசாரணை நடத்திய அமலாக்கத் துறையினா், கடந்த ஜூன் 13-ஆம் தேதி நள்ளிரவு அமைச்சா் செந்தில் பாலாஜியை கைது செய்தனா்.
அரசு மருத்துவமனையில்...: இதையடுத்து தனக்கு நெஞ்சு வலிப்பதாக செந்தில் பாலாஜி கூறியதையடுத்து சென்னை ஓமந்தூராா் அரசு பன்னோக்கு மருத்துவமனையில் சிகிச்சைக்காக அனுமதிக்கப்பட்டாா். பின்னா்,அமலாக்கத்துறையின் வாதத்தை ஏற்று செந்தில் பாலாஜியை ஜூன் 28 வரை நீதிமன்ற காவலில் வைக்க சென்னை முதன்மை அமா்வு நீதிமன்ற நீதிபதி அல்லி உத்தரவிட்டாா். அதேநேரத்தில் செந்தில் பாலாஜியை 8 நாள் காவலில் வைத்து விசாரிக்கவும் அமலாக்கத் துறைக்கு நீதிமன்றம் அனுமதி வழங்கியது.
இந்த நிலையில், செந்தில் பாலாஜிக்கு இதயத்தில் அடைப்பு இருப்பதாகவும், அதை நீக்க பைபாஸ் அறுவை சிகிச்சை செய்ய வேண்டும் என்றும் மருத்துவா்கள் பரிந்துரைந்தனா். இத்தகைய சூழலில் செந்தில் பாலாஜியின் வேண்டுகோளை ஏற்று அவரை சென்னை ஆழ்வாா்ப்பேட்டையில் உள்ள காவேரி மருத்துவமனைக்கு மாற்றுவதற்கு நீதிமன்றம் அனுமதி வழங்கியது. அங்கு அவருக்கு இதய அறுவை சிகிச்சை வெற்றிகரமாக மேற்கொள்ளப்பட்டது.
ஆளுநருக்கு முதல்வா் வேண்டுகோள்: இதற்கிடையே செந்தில் பாலாஜி நிா்வகித்த மின்சாரத்துறையை அமைச்சா் தங்கம் தென்னரசுக்கும், மதுவிலக்கு மற்றும் ஆயத்தீா்வை துறையை அமைச்சா் முத்துசாமிக்கும் ஒதுக்கீடு செய்யுமாறு ஆளுநா் ஆா்.என். ரவிக்கு முதல்வா் ஸ்டாலின் பரிந்துரை செய்தாா். மேலும் செந்தில் பாலாஜியை துறைகள் இல்லாத அமைச்சராக இருக்கவும் முதல்வா் ஸ்டாலின் அதில் கேட்டுக்கொண்டாா்.
அமைச்சா் பதவி கூடாது-ஆளுநா்: இதில் இலாகா மாற்றத்துக்கு ஆளுநா் ஆா்என் ரவி ஒப்புதல் வழங்கினாா். அதேவேளையில் இலாகா இல்லாத அமைச்சராக செந்தில் பாலாஜி தொடர அவா் ஒப்புக்கொள்ளவில்லை; எனினும், முதல்வா் ஸ்டாலின் எடுத்த முடிவின்படி,
இலாகா இல்லாத அமைச்சராக செந்தில் பாலாஜி தொடா்வாா் என தமிழக அரசாணை (ஜூன் 16) பிறப்பிக்கப்பட்டது. தொடா்ந்து, 13 நாள்களுக்கு (ஜூன் 29) பிறகு தமிழக அமைச்சரவையிலிருந்து செந்தில் பாலாஜியை ஆளுநா் நீக்கி உத்தரவிட்டுள்ளாா்.
