ஆளுநர் ரவியுடன் பேரவைத் தலைவர் அப்பாவு சந்திப்பு

தமிழக சட்டப் பேரவைத் பட்ஜெட் கூட்டத் தொடருக்கு பேரவைத் தலைவர் அப்பாவு, ஆளுநர் ஆர்.என். ரவியை சந்தித்து அழைப்பு விடுத்துள்ளார்.

ஆளுநர் ஆர்.என். ரவியின் உரையுடன், தமிழக சட்டப் பேரவைக் கூட்டத் தொடர் வரும் பிப். 12-ஆம் தேதி தொடங்கவுள்ளது. வரும் பிப், 19-ஆம் தேதி அடுத்த நிதியாண்டுக்கான (2024-25) தமிழக அரசின் நிதிநிலை அறிக்கையை நிதியமைச்சர் தங்கம் தென்னரசு தாக்கல் செய்கிறார்.

வரும் நிதியாண்டுக்கான (2024-25) முன்பண செலவு மானிய கோரிக்கையை, பிப். 20-ஆம் தேதியன்றும், 2023-24-ஆம் ஆண்டுக்கான கூடுதல் செலவுக்கான நிதிநிலை அறிக்கையை பிப். 21-ஆம் தேதியன்றும் நிதியமைச்சர் தாக்கல் செய்யவுள்ளார். 

இதையும் படிக்க: கடல்களுக்கும் மலைகளுக்கும் நாம் சவால் விடுகிறோம்: மோடி

பேரவைக் கூட்டத் தொடரை எத்தனை நாள்களுக்கு நடத்துவது என்பது குறித்து அலுவல் ஆய்வுக் குழு கூடி முடிவெடுக்கும் என்று தெரிவிக்கப்பட்டுள்ளது.